Midia Sosializa Ema Neebe Rekupera Husi Covid-19

akademista atual Vise Reitor III UNDIL, Hugo Lourenco. (Foto: Espesial)

DILI, STLNEWS.co – Observasaun Akademista Universidade Dili (UNDIL) Hugo Lourenco da Costa, husu ba midia sira bele sosializa ema neebe rekupera husi Covid 19, nunee komunidade bele kompriende ho diak.

Nia hatete, Covid-19 iha Timor nee sintomas diferente ho Covid-19 iha rejiaun global, ema barak sofre tanba Covid, maibe iha TL nee politiku sira uza Covid ho halimar no vida povu ba rai ida nee.

“Nuudar kampanha ba edukasaun saude nian, midia iha direitu atu intrevista ho ema sira neebe mak durante nee rekupera ona husi corona ka Covid-19. Ema sira nee midia bele fasilita atu sira bele sai autor ba kampanha ka sosializasaun moras nee oinsa, no sira konsumu aimoruk saida mak sira hemu no kura moras nee. Ema sira nee diak liu halo intrevista direta ida iha midia, para publiku asesu informasaun,” dehan Hugo ba STL, liu husi telefone, Segunda (15/03/2021).

Hugo afirma, povu aprende lisaun diak husi buat haruka nee, no iha prosesu diak ba edukasaun no sosializasaun ba moris povu no estadu karik Covid-19 nee iha duni, diak liu midia sira bele buka tuir ema sira neebe mak rekupera husi covid, atu nunee bele sosializa konaba moras refere atu komunidade tomak komprende ho diak.*

Reportajen: Blandina Mauno
Editora: Carme Ximenes

LEAVE A REPLY

Please enter your comment!
Please enter your name here