MS Detekta Tan Timor Oan Nain 2 Konfirmadu Positivu Covid-19

DILI, STLNEWS.co – Ministeriu Saude (MS), ohin loron Kuarta (03/02/2021) detekta tan Timor oan nain 2 konfirmadu positivu Covid-19, tanba nee oras nee dadaun pasiente Covid-19 sae ba 24 pesoas, inklui ida iha RAEOA.

Hatete Kordenador Pilar VII COVID-19, Nilton do Carmo da Silva, liu husi konfensia imprensa iha Palasiu da Sinzas, Kuarta (03/02/2021).

Nia dehan, MS rejista tan sidadaun Timor oan nain 2 neebe konfirmadu positivu Covid-19, kompostu husi feto ida ho idade 34 no mane ida ho idade 22. Sira nain 2 laiha sintoma.

“Ba ohin loron ita aumenta tan kazu foun rua, nunee Ita iha kazu komulativu 77, atual baixa 24 no Dili 23, inklui RAEOA 1,” hatete Nilton.

Nia esplika, sira mai husi nasaun vizinu Indonezia husi provinsia neebe lahanesan, iha 20 Janeiru sira tama mai Timor liu husi pontu entrada Batu-Gede hamutuk ho pasajeiru nain 118.

Depois sira kumpri kuarentena obrigatoriu iha otel lahanesan, ida iha otel Leokase no ida seluk iha otel Time Square. Husi ekipa vijilansia epidemolojika ba halo teste swab dahuluk iha dia 21 Janeiru ho rezultadu teste negativu, teste daruak foti iha 1 Fevereiru no iha 2 Fevereiru rezultadu RT- PCR hatudu positivu SARS-CoV-2.

Nia dehan, relasaun ho numeru neebe aumenta ba bei-beik, liu husi oportunidade nee hakarak dehan, Ministeriu Saude kontinua nafatin halao enkontru koordenasaun ho parte hotu-hotu hodi kombate Covid-19.

“Ita hakarak koordenasaun ho parte hotu-hotu hodi kombate Covid-19 iha ita-nia rai. Ohin ekipa Ministeriu Saude husi pilar 1-9 neebe lidera husi Koordenadora Jeral Komisaun Covid-19 desloka ba Munisipiu Bobonaro.

Iha Malaiana ekipa sei halao reuniaun ho parte igreja, depois enkontru tan ho ekipa lina frente no autoridade munisipal sira, ho objetivu atu haforsa serbisu lina frente atu mitiga infliltrasaun ilegal ho risku Covid-19.*

Reportajen: Jeniche da Costa
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Kondutor Kestiona Ema Menus Sosa Rai Henek

DILI, STLNEWS.co - Kondutor hirak neebe lori kareta baskulante, neebe iha area Fomentu, sira kestiona kada loron ema sosa rai henek menus hela deit. "Kada...

Krime VD No Kontra Bandu Aas Iha TDS

DILI, STLNEWS.co - Tribunal Distrital Suai, rejistu krime neebe kada loron julga barak liu maka krime violensia domestika (VD) ho forma ofensa integridade fisika...

Konfinamentu Domisiliariu, Misa Kontinua Suspende

DILI, STLNEWS.co - Reuniaun Konsellu Ministru neebe mak foin lalais deside atu hanaruk konfinamentu domisiliariu, nunee husi Arquidiocese Metropolitana Dili Dom Virgilio Do Carmo...
%d bloggers like this: