MS: Hasai Pasiente Livre Husi COVID-19

REKOPERA – Liu husi konfrensia imprensa neebe lidera husi Koordenador Jeral COVID-19 Odete da Silva Viegas, iha Palasiu das Cinzas, Sabadu (14/11/2020) informa katak Sidadaun Indonesia neee Pozitivu COVID-19 rekopera ona. (Foto: STL/Donaciano Magalhães)

DILI, STLNEWS.co – Governu liu husi Ministeriu da Saude (MS) anusia Timor-Leste (TL) livere hikas husi COVID-19, tanba paseinte neebe baixa fatin izolamentu Sentru Saude Vera Cruz (SSVC) oras nee dadaun rekoperadu ona husi moras COVID-19.

Koordenador Jeral COVID-19 Ministeriu da Saude (MS) Odete da Silva Viegas hatete ba Jornalista sira liu husi konfresia impresa iha iha palasiu das Sinzas, Caicol, Dili, Sabadu (14/11/2020).

“Ita nia moras ida neebe mak positivu tama iha kuarentena ila loron 16 fulan outubru, ohin ita sei fo alta nia rezultadu dala rua, durante nee baixa iha fatin izolamentu vera cruz hatudu negative dala rua iha loron 11 no 13 purtantu depois de press konferensia ita sei fo alta sidadaun mane nee ho idade 59, nia kondisuan estavel,” hatete Odete.
Odete dehan, felizmente Timor-Leste laiha ona kazu foun ba moras COVID-19.

“Maske agora Timor-Leste laiha ona kazu foun ba iha COVID-19 maibe hau apela ba populasaun katak surtu COVID-19 neee too ohin loron sei sai nafatin preokupasaun mundial no fo ameasa ba saude publiku,”Nia esplika.
Nia tenik, Ministeriu da Saude liu husi komisaun Nasional COVID-19 hakarak apela ba populasaun tomak, husu ba komunidade atu nafatin mantein kalma no sempre nafatin halo medida preventive ba COVID-19 hanesan fase liman beibeik, uza maskara no mantein distansia sosial.

Entertantu tuir observasaun neebe STL asesu iha terenu, dadaus komulativu hahu husi loron 06 fulan Marsu tinan 2020 too loron 13 Novembru 2020, total numeru teste laboratoriu too loron 13 fulan Novembru hamutuk 12.248, hein rezultadu 387, total kumulativu kazu 30, rekuperadu hamutuk 33, konta hamutuk ho ema nian 4 provavel.

Numeru ba kuaretena hamutuk nain 222, iha Dili nian 179 no minisipiu hamutuk nain 43, auto kuarentena total hamutuk nain 267, iha Dili nian 266 no munisipiu ema nian ida.

Nomos okupante kuarentena no auto kuarentena neebe pasa ona loron 14 hamutuk nain 6.017, okupante kuarentena iha Dili nian 4.966 no iha munisipiu hamutuk nain 1.051. *

Reportajen: Jeniche da Costa
Editor: Crisogono Magalhães

LEAVE A REPLY

Please enter your comment!
Please enter your name here