MS Lansa Vasina AstraZeneca Ba Daruak

DILI, STLNEWS.co – Ministeriu Saude halo lansamentu ba vasina AstraZeneca ba faze daruak, iha Sentru Saude Comoro. Dehan Vise Koordenador Forsa Tarefa Prevensaun No Mitigasaun Surtu Covid-19 Timor Leste, iha SIJK, Odete da Silva Viegas ba jornalista iha Sentru Saude Comoro, segunda (10/05/2021)

“Vasina AstraZeneca neebe apoiu husi governu Australia too mai iha ita nia rai 20 mil doze, ohin ita hahu faze dahuluk ba ema sira neebe maka seidauk simu vasina, liliu ba ema sira neebe maka ho moras nomos ba ema sira neebe maka idade ho 60, ho ida nee sei tama nafatin iha primeira faze 20 % nian. Ita halo lansamentu iha sentru saude maibe sentru saude seluk mos hahu ona, 20 mill doze nee ita foka uluk iha Dili tanba saida maka ita halo iha Dili tanba episentru moras nee konsentra hotu iha Dili,” dehan Odete.

Nia dehan, ida nee maka esforsu tomak governu liu husi Ministeriu Saude halo para bele redus infeksaun iha sidade.

“Ita hotu haree ema moras tensaun, diabetes sira mos mai ona simu vasina ida nee, ita agradese no apresia tanba ita hotu konsiente katak moras nee iha nia leet, no ita presiza kuidadu no prevene ita ida-idak nia aan, ho familia no vizinu husi moras ida nee,” tenik nia.

Odete afirma, hahu ohin too ba loron 19 Maiu sei mai tan 10 mil doze, neebe maka nafatin apoiu husi governu Australia.

Nunee mos, Ministra Saude Odete Maria Freitas Belo dehan, “Objetivu ohin ita hamutuk iha nee atu haree katak apoiu bilateral neebe maka ita simu husi nasaun Australia nian laos nasaun Australia deit maka hakarak atu ajuda ita, iha nasaun lubuk ida neebe maka hakarak atu ajuda, maibe ita mos tenki tetu ba ita nia kapasidade,” tenik nia.

Nia hatutan, se nasaun ida hanesan nee ho limitasaun oin-oin ho rekursu umanus no estrututura ho ekipamentu neebe maka sei kikoan tebes, no lasufisiente ita koko atu bele administra vasina pelumenus ida ka rua deit, la presiza bar-barak, tanba ida nee halo jestaun ida neebe maka lori tempu no rekursu umanu hodi bele administra vasina sira nee.

“Ita kuandu temi dehan vasina nee aimoruk laiha, aimoruk ida maka dehan nia diak deit, bainhira kuandu ita ba hospital ita hemu aimoruk hanesan tuberkolozia nian, aimoruk lepra nian sempre iha ninia reasaun no sempre iha ninia efeitu,” haktuir nia.*

Reportajen: Natalina Lopes
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Komunidade Hakbesik An Ba Parte Saude Hodi Simu Vasina

DILI, STLNEWS.co - Komunidade aldeia hat iha Suku Zulo, Postu Administrativu Zumalai, Munisipiu Covalima hakbesik aan ona ba saude hodi simu vasina doze primeiru...

ETDA Rejistu Estudantes 670

DILI, STLNEWS.co - Hahu iha fulan Janeiru too fulan Fevereiru 2021, sentru formasaun East Timor Development Agency (ETDA) rejistu estudantes hamutuk 670, maibe ema...

MAP – FAO Identifika Suku 3 Afetadu Malnutrisaun

DILI, STLNEWS.co - Ministeriu Agrikultura e Peskas (MAP) servisu hamutuk ho Food and Agriculture Organization of the United Nations (FAO), nomos ministeriu relevante identifika...
%d bloggers like this: