MS Rezista Tan Kazu Positivu Covid-19 Ida

Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, (CIGC-SS) Rui Maria de Araújo. (Foto: STL/Jeniche da Costa)

DILI, STLNEWS.co – Ohin loron 25 Fevereiru 2021, husi Sala Situação Centro Integrado Gestão de Crise (CIGC-SS), liu husi Ministeriu Saude (MS) rezista tan kazu konfirmadu positivu Covid-19 nain ida, nafatin iha Aldeia Klauhalek, Suku Belulik leten, Postu Administrativu Fatumea, Munisipiu Covalima. Tanba horiseik dia 24 fulan Fevereiru tinan 2021, ekipa vijilansia epidemiolojika no laboratoriu, halo iha Aldeia Klauhalek, Suku Belulik leten, Postu Administrativu Fatumea, Munisipiu Covalima.

“Ita mos rekolla tan 40 amostras ba halo teste laboratoriu, husi teste PCR neebe halo, hetan tan pozitivu ida, mane, ninia kaben konfirmadu positivu Covid-19,” hatete Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, (CIGC-SS) Rui Maria de Araújo ba jornalista sira iha sala de situasaun CIGC, CCD-Dili, loron Kinta nee (25/02/2021).

Nia esplika, kontaktu husi kazu foun ida nee, ekipa vijilansia too iha konkluzaun katak, kazu foun ida ohin, mane ho idade tinan 69, nomos hela iha Aldeia Klauhalek, sintomatiku, nia gasta maior parte husi nia tempo iha toos no hakiak fatin, besik baliza ho Indonezia ho naran nia informa Lookeu, Kecamatan Tasifeto barat, Kabupaten Belu, Nusa Tenggara Timur.

Ninia rezultadu PCR hatudu CT (Cycle Threshold) value 40, signifika nia iha faze rekuperasaun. Nia dehan, ida nee hatudu katak nia hetan kontajiu, mais ou menus entre semana rua too semana tolu liu ba.

“Dadus hirak nee hotu hatudu katak, too ohin, kluster ka agrupamentu Klauhalek, ita identifika ona kazu primariu, neebe halao transmisaun lokal ba ema nain 6, feto nain 4 no mane nain 2. Enkuantu, seidauk iha evidensia katak kluster ka agrupamentu, ida nee espalha ona mos ba fatin seluk. Ho oportunidade ida nee hatoo mos ba jornalista, no ba publiku tomak, ekipa vijilansia epidemiolojika ho laboratoriu husi nivel nasional, munisipiu Covalima no mos Sentru Saude Fatumean, hamutuk ema nain 20, oras nee dadaun nafatin halao rastreiu kontaktu sira hotu.” dehan nia.

Nia relata, kazu konfirmadu Covid-19 foun nian , iha rekuperadu 1 (husi RAEOA) kazu ativu nain 21, tanba ema tama husi fronteira, husi horiseik mai ohin liu dalan regular hamutuk 17, kazu konfirmadu nain 6, neebe horiseik halo viajen husi Fatumean mai Dili, too iha Vera Cruz.

Nia argumenta, 11h45 kalan, sira iha kondisaun neebe kolen tanba halo viajen barak, maibe konsidaun saude agora estavel.

Nia dehan mos fo hanoin fali katak, haree husi nivel alerta no resposta neebe Governu Timor-Leste adopta ba prevensaun no mitigasaun Covid-19 iha Timor-Leste, hahu 23 de
Fevereiru 2021, tamba Timor-Leste tama fali ba faze neebe hanaran ALERTA 3, ka faze ‘’mitigasaun’’. ALERTA 3 nee aplika ba Timor-Leste tomak, maibe Serka Sanitaria aplika deit ba munisipiu Covalima no Bobonaro.

“Ita tuir rezolusaun governu nº4 & nº5, 15 Fevereiru 2021. Ema ka sasan atu tama sai ba munisipiu rua nee, tenki iha autorizasaun husi Sala Situasaun Centro Integrado Gestão de Crises,” nia afirma.

Nia afirma tan, prosesu rastreiu ka screening neebe halo iha Munisipiu Covalima, Bobonaro, ho RAEOA sei nafatin lao. Resultadu la iha mudansa barak husi informasaun neebe hatoo ona horiseik ho hodi bainrua.

Entertantu dadus jeral nebee Ministeriu Saude Liu husi SS-CIGC relata katak, kazu konfirmadu foun nain 1, kazu rekuperadu 1 husi RAEOA, kazu ativu iha 21.

No ema tama husi fronteira husi horiesik mai ohin liu dalan regular hamutuk 17, iregular nain 4. Sira hotu tama iha kuarentena.*

Reportajen: Jeniche da Costa
Editor: Ekipa STL

LEAVE A REPLY

Please enter your comment!
Please enter your name here