Nobel da Paz Kumpri Regra MEJD No MS

Diretor Ensinu Sekundariu Nobel da Paz, Pedro Nunes Menezes. (Foto: STL/Blandina Mauno)

DILI, STLNEWS.co – Ensinu Sekundariu Nobel da Paz, kumpri regra distansiamentu sosial, husi Ministeriu Edukasaun Juventude no Desportu (MEJD) ho Ministeriu Saude (MS).

Diretor Ensinu Sekundariu Nobel da Paz, Pedro Nunes Menezes hatete, kona ba regras normas husi MEJD ho MS katak, distansiamentu sosial importante ba ema hotu, tanba nee sira kontinua kumpri distansia sosial hanesan uluk, aplika ona tuir orientasaun husi ekipa konjunta husi edukasaun ho saude.

“Ami halo limpeza, tau bee iha eskola oin para estudante sira mai fase liman, uza maskra, distansia sosial no molok atu tama aula tenki koko ho thermo scanner, neebe ami sempre kumpri tuir regra nafatin bainhira covid lakon,” dehan nia ba STL, iha knaar fatin, Kinta (21/01/2021).

Nia hatutan, Nobel da Paz sei fahe estudante kada sala ema 25, maibe iha Tersa nee foin halo diskrisaun too Segunda foin hahu prosesu aprendizajen no sira sei haree volume estudante sira atinji too hira, sei montante barak liu tenki fahe tuir orientasaun husi governu atraves MEJD no MS.

Nia relata, Nobel da Paz iha sala hamutuk 18 aula maibe sei fahe ba tornu rua, primeiru tornu tama 7:45 too 12:00, ba segundu Ensinu Baziku tama 1:00 too 5:00, sira esforsu para atu kobre estudante sira neebe rejistu ona.

Total estudante Sekundariu Nobel da Paz no Ensinu Baziku agora dadauk hamutuk 360 pesoas maibe sira seidauk tama hotu.

Ba estudante sira neebe lauza maskra eskola la autoriza tama aula, maibe hahu loron tolu ona sira mai ho maskra, neebe buat hotu tenser fiar governu signifika sira halo ida nee para povu labele hetan moras Covid-19 nian.*

Reportajen: Blandina Mauno
Editora: Carme Ximenes

LEAVE A REPLY

Please enter your comment!
Please enter your name here