Numeru Covid-19 Aumenta, Preparasaun Limitadu

Dekanu Fakuldade Saude Publiku UNPAZ, Martinus Nahak. (Foto: Espesial)

DILI, STLNEWS.co – Timor Leste nafatin infrenta ho numeru kazu pozitivu neebe loron ba loron kontinua sae, maibe preparasaun fasilidade no rekursu limitadu tebes.

Kestaun nee haktuir husi Dekanu Fakuldade Saude Publiku UNPAZ, Martinus Nahak ba STL liu husi telefone, Sesta (26/03/2021).

“Kaer ba deklarasaun husi Ministeriu Saude fo sai, halo hau triste tebes, tanba karik akontesimentu kazu foun Covid-19 nee sae makaas liu tan, ho preparasaun fasilidade no rekursu seluk neebe limitadu, mak lori governu liu liu Ministeriu Saude ba kondisaun neebe susar teb-tebes atu maneja situasaun ida nee,” tenik nia.

Nia hatutan, kada pasiente Covid-19 impaktu husi virus neebe hadaet lalais liu husi kontaktu ema liu husi komportamentu oin-oin.

Nia informa tan, kondisaun izolamentu Tasi-Tolu iha limitasaun ba kama no fasilidade sira seluk mak tenki haree fatin izolamentu alternativu, neebe diak liu hodi fo biban ba pessoal saude atu fo atendementu no pasiente nee rasik bele rekopera lalais.*

Reportajen: Natalina Lopes
Editor: Ekipa STL

LEAVE A REPLY

Please enter your comment!
Please enter your name here