Odete: Vasina Vail Ida Sona Ema Nain 12

DILI, STLNEWS.co – Tuir Diretora Jeral Prestasaun Servisu Saude, iha Ministeriu da Saude,Odete da Silva Viegas sidadaun nain 28.201, kompostu husi mane nain 18.689 no feto 9.512 maka simu ona vasina AstraZeneca doze primeiru, maibe vasina vail ou botir ida sona ba ema nain 12.

“Faze primeiru vasina 24.000 doze, ita fo ba ema 28.000 resin, tanba vasina nee vail ou botir ida ita sona ba ema nain 12, kada ema ida ita dada seringa nee too 0.5 cc,” hateten Odete da Silva Viegas ba STL iha SSC, Segunda (10/05/2021).

Tanba nee husi 24.000 doze nee, sira sei rezerva hela vail balun atu fo ba profesionais saude no ekipa liña frente sira neebe servisu iha fatin izolamentu no kuarentena tanba sira sei halao hela servisu.

Nia dehan, ema hira neebe simu ona vasina primeiru doze iha fulan Abril, sei simu fali segundu doze iha fulan Junho tanba doasaun husi COVAX Facility sei too iha loron ikus fulan Maiu.

Entertantu, Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo informa, fo prioridade ba grupu vulneravel sira iha kampanha vasinasaun atu sira bele protejidu tanba tanba husi analiza epidemiologia surtu iha rai laran hatudu maioria kazu detetadu la hatudu sintomas no la konsege deteta hotu, signifika kapasidade transmisaun boot.

“Ita halo ona kobertura 2% ba ema sira servisu liña frente no balun neebe iha situasaun risku, maibe ita husu vasinasaun iha fulan Maiu ba oin implementa iha Timo-Leste atu foku uluk ba sira neebe ita kategoriza vulneravel hanesan sira ita bolu ho termu komorbilidade katak ema hira neebe sofre moras tensaun alta, diabetiku, asma. Hodi nunee sira neebe asintomatiku ita seidauk deteta tanba sira idade reprodutivu sira iha imunidade diak la moras atu hadaet ba sira hirak nee, sira protejidu ona ho vasina,” nia tenik.

Nia afirma, kobertura universal ba vasina maka dalan uniku atu manan propagasaun surtu Covid-19 iha mundu, liu-liu iha rai laran tanba nee esforsu hotu tenke halao atu hasae kobertura vasinasaun Covid-19.*

Reportajen: Jeniche da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...