Ohin Rejistu Tan Ema Mate Ho Covid-19 Nain 3

DILI, STLNEWS.co – Governu Timor-Leste liu husi Centro Integrado Gestão de Crises, Sala Situação (CIGC-SS), rejistu tan pasiente neebe mate ho Covid-19 hamutuk nain tolu (3).

“Total óbitu neebe iha loron 29 de Agostu tinan 2021 nee ita rejistu tan nain 3 (tolu),” hatete Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo ba jornalista sira liu husi nota konferensia imprensa, Domingu (29/08/2021).

Nia hatete, iha mane idade tinan 70, nuudar Timoroan hela iha Dili, vasina seidauk kompletu, neebe iha diagnóstikadu iha HNGV ho sindroma insufisiénsia respiratória aguda (SIRA) tanba Covid-19. Iha loron nee kedas matebian halao tratamentu iha Lahane tuir protokolu neebe iha, no Matebian iis-kotu horikalan 20:20 OTL, tan ba respiratoric failure/parajen respiratória.

Depois mane ho idade tinan 89 nuudar Timoroan, hela iha Dili, seidauk vasina, iha 22 de Agostu tinan 2021nia diagnostikadu iha HNGV ho sindroma insufisiensia respiratoria aguda (SIRA) tanba Covid-19. Iha loron nee kedas matebian halao tratamentu iha Vera Cruz tuir protokolu neebe iha, matebian iis kotu horikalan 22:30 OTL, tanba respiratoric failure/parajen respiratória.

Nia informa, ikus mane idade tinan 72, nudar Timoroan, hela iha Maliana, seidauk vasina, iha 27 de Agostu tinan diagnostikadu iha Maliana ho sindroma insufisiénsia respiratória aguda (SIRA) tanba Covid-19.

Matebian sofre mos moras kankru prostata ho metastaze ba orgaun seluk iha isin, iha loron nee kedas matebian halao izolamentu iha Maliana, depois matebian iis-kotu hori kalan 19:00 OTL, tanba multiple organ failure/falénsia orgaun barak.

“Familia koordena hela ho ita nia ekipa saude atu halao funeral tuir protokolu neebe adopta iha Timor-Leste,” nia afirma.*

Reportajen: Jeniche da Costa
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: