Ohin Rejistu Tan Obitu 2

DILI, STLNEWS.co – Loron 15 fulan Setembru tinan 2021, liu husi Centro Integrado Gestão de Crises, Sala Situação (CIGC-SS) rejistu tan obitu nain 2 neebe mate ho pozitivu Covid-19.

Kestaun nee haktuir husi Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste (CIGC-SS), Rui Maria de Araújo ba jornalista sira liu husi nota konferensia imprensa Kuarta nee (15/09/2021).               

Nia dehan, total óbitu neebe relata Kurta feira loron 15 fulan Setembru tinan nee iha nain 2, neebe mate ho pozitivu Covid-19.

Nia esplika, Mane ho idade 44, hela iha Dili, vasina seiduak kompletu, tanba nee iha loron 13 fulan Setembru tinan 2021, nia iha diagnóstikadu ho sindroma insufisiénsia respiratória aguda (SIRA) tanba Covid-19. Matebian sofre mos moras Asidente Vascular Cerebral (AVC) iskémiku. Matebian halao tratamentu iha Vera Cruz, maibe iis-kotu horiseik loraik tuku 15: 20.

“Familia kolabora ho ita nia ekipa saude, hodi halao funeral tuir protokolu neebe adopta iha Timor-Leste,” Rui esplika.

Nia informa, iha Mane ho idade 68, hela iha Dili, seidauk simu vasina, iha loron 14 fulan Setembru tinan nee, iha diagnóstikadu ho sindroma insufisiénsia respiratória aguda (SIRA) tanba Covid-19 iha HNGV.       

Nia tenik, iha loron nee matebain iis-kotu, iha lorokraik tuku 17:25, nomos familia kolabora ho ekipa saude, hodi halao funeral tuir protokolu neebe adopta iha Timor-Leste.

Entretantu, iha loron 15 fulan Setembru tinan nee, iha izolamentu Vera Cruz no Lahane, HNGV no fatin sira seluk iha territóriu laran tomak, halo tratamentu ospitalizadu ba kazu detetadu pozitivu nain 74.

Depois iha grave hamutuk 12 pessoas (nain 5 uza ventilador, nain 3 uza CPAP-Continuous Positive Airway Pressure-4 uza oksijéniu, nomos moderado hamutuk 45 pessoas, Leve hamutuk 17 pessoas.*

Reportajen: Jeniche da Costa

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Horta Husu Komunidade Fo Resposta Los Ba Ajente Enumerador

DILI, STLNEWS.co - Prezidente Republika (PR), José Ramos Horta, husu ba komunidade sira atu fo resposta neebe los ba ajente enumerador sira neebe halo...

Kazu Droga TDD Aplika Medida AP Ba Arguidu Nain 9

DILI, STLNEWS.co - Tribunal Distrital Dili (TDD) iha loron Segunda nee (15/08/2022) liu husi despaisu ikus ba prosesu primeiru interogatoriu (AP), desidi aplika medida...

Governu Lansa Sensus Populasaun & Uma Kain 2022

DILI, STLNEWS.co - Governu liu husi Ministeriu Finansas (MF) Segunda nee ofisialmente lansa sensus populasaun no uma kain iha tinan 2022 nee. Iha fulan Marsu...