Pasiente 3 Alta Fila Ba Familia

Mate isin neebe mate iha Baucau laos mate tanba Covid-19, maibe moras kronik hanesan diabetes, hipertensuan no ris. (Foto: STL/Jeniche da Costa)

DILI, STLNEWS.co – Pasiente nain tolu neebe baixa iha Centro Isolamento Vera Cruz sei alta iha loron ohin, hodi fila ba familia, maibe tenke kumpri nafatin medidas preventivas sira.

Koordenadora Jeral Komisaun Covid-19, Odete da Silva Viegas hatete, aproveita mos biban ida nee atu informa ba publiku katak, Governu Timor-Leste prepara kondisoens ba hetan vasina Pandemia COVID-19 kontinua sai ameasa ba Saúde Públika inklui iha Timor-Leste. COVID-19 laos deit afeta ba ema nia saude, maibe fo mos impaktu negativu ba ekonomia global.

Nia dehan, meius ida nebe importante atu prevene pandemia COVID-19 mak liu husi vasinasaun. Vasina nebe seguru no efetivu kontra COVID-19 mak sei sai hanesan intervensaun nebe efetivu liu hodi prevene no proteje populasaun husi infesaun grave, mate no hapara pandemia COVID-19.

“Maski Timor-Leste laiha kazu pozitivu barak kompara ho nasaun sira seluk, ita iha direitu atu asesu mos ba Vasina COVID-19 iha merkadu Internasional hodi asegura katak ita nia nasaun la husik ba kotuk tamba nasaun riku hotu buka dalan atu compete ba sosa vasina,” dehan Odete.

Odete afirma, tuir rekomendasaun husi Organizasaun Mundial Saúde, katak vasina nebe apropiadu atu bele aplika iha Timor-Leste mak ArstraZeneca’s, ho razaun katak vasina ne’e bele rai iha jeleira ho temperatura 2-8 ͦC, kondisaun ida nebe mak fasilidade saude sira teritoriu laran tomak iha, tamba durante ne’e uza hodi rai vasina rotina sira seluk, folin baratu, produsaun massal hahu tiha ona, uza mos iha nasaun barak, hetan ona pre-kualifikasaun husi OMS no EUL.

Tuir planu primeira faze sei introduz ba 20% husi populasaun, inklui trabalhadores saude no linea frente sira hotu, grupo risku, grupo vulnerable, no kampanha ba imunizasaun ne’e rasik provavelmente sei hahu iha fulan Maio 2021.

Tuir dadus dia 12 Janeiro 2021:
• Total teste: hamutuk nain 17789
• Hein rezultadu: 284
• Komulativo kazu: 49
• Rekuperado: 44+4=48
• Kazu Foun: 0
• Rezultadu(-) : 17456
• Total Karantina: 111 (Dili: 49, Municipio: 62)
• Auto Karantina: 79 (Dili, 79, Municipio: 0)
• Pasa Karantina 14 dias : 7290 (Dili: 6044, Municipio: 1246)

Reportajen: Jeniche da Costa
Editora: Carme Ximenes

LEAVE A REPLY

Please enter your comment!
Please enter your name here