Pasiente Covid-19 Iha Izolamentu Tasi Tolu Husu Governu Tau Atensaun

DILI, STLNEWS.co – Pasiente Covid-19 neebe tama iha izolamentu Tasi Tolu, husu governu tau atensaun ba hahan neebe ba izolamentu Tasi Tolu, tanba hahan sempre tarde bele prezudika pasiente sira nia saude.

“Ami husu ba Governu liu liu Ministeriu Saude, atu tau atensaun ba hahan neebe fornese ba pasiente sira iha izolamentu Tasi Tolu, tanba hahan sempre tarde hela deit no la tuir nesesidade pasiente nian, tanba iha izolamentu nee iha labarik kiik no inan isin rua, bele prezudika pasiente sira nia saude,” dehan pasiente Covid-19, Sebastian Gomes Mendes, iha sala izolamentu Tasi Tolu, Kinta (24/6/06/2021).

Sebastian hatutan, loron hira liu ba hahan konaba inan isin rua nia mos tarde no hahan hanesan sasoro ba inan isin rua mos maran, se ba inan isin rua mak tein sasoro maran oinsa inan isin rua sira han para hetan fali susuben hodi fo susu ba sira nia bebe.

Iha fatin hanesan, pasiente Nilton Ribeiro Freitas, sujere ba governu karik bele lor-loron halo mudansa ba iha menu hahan, tanba han bebeik nan hanesan fo presaun fali ba sira nia saude.

“Ami husu ba governu atu tau atensaun ba menu hahan neebe fo ba pasiente sira, se hahan lor-loron mak nan hela deit, ami han baruk ona no fo presaun ba ami nia saude, ami mai iha nee tanba pozitivu Covid-19, maibe han hahan hanesan nee, ami sei la rekopera husi moras nee,” dehan Nilton.

Entretantu iha loron Kuarta (23/6/2021), paseinte Covid-19 iha sala izolamentu Tasi Tolu, Block A no B, halo protestu, tanba hahan merenda loraik laiha no hahan kalan mos pasiente sira simu tarde, simu iha tuku 11:00 kalan OTL, tanba nee iha pasiente mane ida senti hamlaha hodi harahun odamatan izolamentu Tasi Tolu Block B nian.

HARAHUN – Pasiente Covid-19 ida iha sala Izolamentu Tasi Tolu Block B, hamlaha halo protesta hodi harahun odamatan sala Izolamentu Tasi Tolu, Kuarta (23/6/2021). (Foto: Espesial)

Observasaun STL iha terenu nota katak, hafoin hahan tarde, mediku balun neebe destaka iha izolamentu Tasi Tolu, tenta dezaraska hahan hodi fahe ba paseinte sira, Block A no B, iha tuku 8:45 kalan mediku sira konsege fornese duni hahan ba paseinte sira iha Izolamentu Tasi Tolu Block A maibe hahan la to, tanba mediku sira hetan deit hahan kotak 14 ba pasiente iha block A husi labarik to ema boot hamutuk 40 resin, ho nunee mediku no pasiente sira deside fo uluk hahan kotak 14 nee ba inan isin rua no labarik kiik sira. *

Reportajen: Donaciano Magalhães
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: