Pasiente Covid-19 Nain 1 Iis Kotu Iha Dalan

BAUCAU, STLNEWS.co – Pasiente Covid-19 ho inisial DL idade 50, neebe kondisaun grave iha sala izolamentu eis SPK Tirilolo, Baucau, foin meudia transfere ba Dili atu kontinua simu tratamentu, maibe la to’o iha Dili, tuir dalan iis kotu.

Lia hirak nee hato’o husi Responsavel Pilar 7, Veronimo Ornai ba STL liu husi telefone, Kuarta kalan nee (15/09/2021).

Veronimo esplika, matebian inisial DL durante nee iha moras komplikadu, moras fuan no moras lepra, depois afetadu tan pozitivu Covid-19.

Durante semana ida matebian inisial DL iha evolusaun neebe mak la duun diak, no iha horikalan aumenta grave liu tan, nunee liu husi Servisu Saude Munisipiu Baucau halo transfere matebian ba Dili, atu kontinua simu tratamentu, maibe la konsege to’o Dili, sei iha dala klaran matebian iis kotu.

“Hodi kalan nia kondisaun grave liu tan, entaun ohin dadersan ami lori fali ba Dili ventilasaun mekanika, maibe la to’o, iha dalan klaran pasiente iis kotu,” dehan nia.

Nia hatutan, objetivu transfere matebian ba Dili tanba durante semana ida ona matebian halo tratamentu iha sala izolamentu eis SPK Tirilolo, Baucau, doutor espesialista sira uza oksijeniu no sona ai moruk antibiotiku, maibe matebian nia evolusaun kontinua lao la duun diak, tanba nee deside transfere ba Dili.*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Horta Hasoru Malu Ho Rhee In-Yong

DILI, STLNEWS.co - Prezidente Republika (PR), José Ramos Horta, halao enkontru ho Rhee In-Yong. Iha inkontru nee koalia konaba projetu responsabilidade sosial korporativa iha Timor...

MMT Introdus Planu MLC Ba Stakeholder

LIKISA, STLNEWS.co - Mary MacKillop Today (MMT) halao enkontru ho parte interesada (stakeholders) husi parte governu nia reprezenta, Rui da Costa Belo, Visi Prezidente...

Presiza Kuda Unidade Domin Maromak

UATULARI, STLNEWS.co - Joven mak futuru nasaun nian, tanba nee presiza kria pas no unidade Maromak nian iha sosiedade leet. Kestaun nee hatoo husi, Madre...