Pasiente Covid Halai Husi Karantina

Xefe Aldeia 1 de Setembru Suku Vila Verde, Joanico Albano Ximenes husu ba parte Sentru Integradu Jestaun Krize (SIJK), nomos Minsteriu Saude atu kontrola ho diak ba iha fatin karantina sira, tanba pasiente pozitivu Covid-19 ida halai sai husi karantina mai uma, hodi halao nia nafatin aktividades hanesan baibain. (Foto Ilustrasaun: jektv)

DILI, STLNEWS.co – Governu presiza kontrola karantina iha Dili laran, tanba deskonfia pasiente Covid-19 balun halai sai jusi fatin sira nee. Kestaun nee hatoo husi Xefe Aldeia 1 de Setembru, Suku Vila Verde, Joanico Albano Ximenes, ba jornalista sira iha nia knaar fatin, Dili, Tersa (16/03/2021).

“Husu ba parte Sentru Integradu Jestaun Krize, haree didiak situasaun refere, tanba moras Covid-19 nee perigozu tebes ba ita nia vida,” tenik Xefe Aldeia 1 de Setembru nee.

Nia dehan, tuir informasaun neebe nia asesu, pasiente pozitivu Covid-19 ida halai sai husi karantina no agora halao hela ninia servisu hanesan bainbain.

Nia hatutan, tuir informasaun neebe nia rona husi pasiente nia familia, katak pasiente nee servisu hamutuk ho nia maluk sira, depois sira nain rua hetan kontaktu fiziku husi pasiente Covid-19, ho ida nee lori sira nain rua ba karantina, maibe foin mak tama karantina loron ida ou rua deit sai fali ona.*

Reportajen: Efizenia da Costa
Editora: Domingas Gomes

LEAVE A REPLY

Please enter your comment!
Please enter your name here