Pasiente Izolamentu VC Laiha Sintomas

Pasiente konfirnadu neebe iha izolamentu Vera Cruz Ministra Saúde, Odete Freitas Belo (Photo: STL News/Domingas Soares)

DILI, STLNEWS.co – Pasiente konfirnadu neebe iha izolamentu Vera Cruz laiha sintomas maibe, husi nia rejultadu teste sei nafatin pozitivu.

“Pasiente neebe iha izolamentu Vera Cruz hau seidauk hetan informasaun ikus maibe, pasiente nia kondisaun diak no nia laiha sintomas hanesan mear ka inus ben maibe, husi nia rezultadu teste ikus sei nafatin pozitivu iha loron rua liu ba. No nia rejultadu teste tuir mai hau seidauk hatene entaun, bainhira sira informas ona mak hau beke fo sai,” lia hirak nee hatoo husi Odete MAria Freitas Belo, ba jornalista sira iha Palasio Sinzas, Caicoli, Kuarta (26/08/2020).

Nia haktuir, teste tuir fali normalmente liu loron 2 halo fila fali ona teste hodi haree nia rejultadu husi laboratorium nian hatudu sei nafatin pozitivu.

“Nunee husu komunidade sira atu prevene aan hodi uja maskara no fase liman nafatin,” katak Odete

Alende nee Ministra mos afirma katak, hakarak afirma ba publiku katak Covid-19 sei eziste tanba nee ita sei la fila fali ba ita nia moris ida uluk nian, tanba nee husu ba komunidade sira bainhira halibur malu tenke uja maskara nomos tenke, iha hanoin atu fase liman nafatin, konaba abitante sira neebe hela iha fatin kuarantena. Ministra nee hatete nia sei la fo komentariu konaba ida nee, tanba iha ona mediku sira neebe kontrola sira

“Hau lakohi komentariu tanba, ami tau ona ema sira neebe atu hein sira neebe iha fatin kuarentena tanba, ami iha enfremeiru ho mediku nomi\os ho jestor ka kordenador sira neebe maka servisu iha fatin kuarentena sira nee, “tenik nia.

Karik dehan abitante sira neebe hela iha kuarentena sai nee responsablidade boot ba enfremeiru, mediku ho jestor ka kordenador sira neebe servisu iha fatin kuarentena entaun husi libre maka, sira tenke responsabliza bainhira iha pasiente ka sidadaun ruma neebe maka sai husi area neeba.

Reportajen: Domingas Soares

Editor: Ekipa STL

LEAVE A REPLY

Please enter your comment!
Please enter your name here