Pasiente Pozitivu Covid-19 Rekopera Hikas

DILI, STLNEWS.co – Kazu foun konfirmadu pozitivu Covid-19 iha loron 4 fulan Agostu, ohin rekopera hikas hodi fila ba uma.

Tuir Diretora Kordenadora Jeral Komisaun Prevensaun ba Covid-19, Dr. Odete da Silva Viegas, dehan hakarak deklara ba publiku katak, kazu foun ne’ebé konfirmadu iha loron 4 fulan Agostu hodi submente ba iha fatin izolamentu depois, halo fali teste ba sidadaun pozitivu ne’e dala rua tuir-tuir malu ho rezultadu pozitivu iha loron 8 no loron 12 fulan Agostu.

“Maibe felismente pasiente ne’e laiha sintomas ne’ebé maka hatudu moras Covid-19 hanesan isin manas ho mear maibe, nia ho asintomatiku depois ita repete fali teste ba iha sidadaun ne’e iha loron 14 ho loron 17 fulan Agostu, ho nia rezultadu teste laboratorium hatudu negativu hotu, tanba ne’e ohin ita fo sai nia,” dehan nia.

Nia esplika, kriterias ba moras sira ne’ebé maka tama, hanesan pozitivu Covid-19 sempre halo teste ba sira bainhira, halo teste dala rua tuir-tuir malu maka negativu entaun, sira bele fo sai ou kazu rekoperadu.

“Tanba ne’e depois de halo tiha konferensia imprensa hotu, ita sei fo sai sidadaun ne’e ba uma, orsida husi ekipa saúde maka sei akonpania ema ne’e ba iha nia uma ka hela fatin,” tenik nia.

Nia hatutan, Timor Leste dala ida tan livre ona husi kazu Covid-19, depois de kazu uniku ne’ebé diagnostiku pozitivu iha loron 4 fulan Agostu tinan 2020 liu ba.

Entaun sura hamutuk ho kazu rekoperadu nain 24 uluk ho ida agora ne’e, hamutuk 25 pasiente maka rekoperadu hikas husi moras Covid-19, desde pandemia ne’e hahu no rejista iha rai laran.

Reportajen: Domingas Soares

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Video Vasina https://youtu.be/_p-St6W4XHw Ministério dos Assuntos...

Ema 200 Aprende Materia Kooperativa

DILI, STLNEWS.co - Sidadaun hamutuk 200 tuir formasaun husi Sekretaria Estadu Kooperativa (SEKoop), kona ba materia koperativa nian durante semana ida. Tuir Diretor Jeral Sekretariu...

Hakarak Atividade Lao Normal, Taur Apela Komunidade Simu Vasina

DILI, STLNEWS.co - Primeiru Ministru (PM) Taur Matan Ruak apela ba populasaun atu partisipa iha kampania vasinasaun, nunee wainhira tasa partisipasaun aas governu bele...
%d bloggers like this: