Pasiente Pozitivu Primeiru Evakua Mai Dili, Uza Alojamentu Privadu Ba Izolamentu

DILI, STLNEWS.co – Kazu pozitivu Covid-19 dahuluk iha Munisipiu Lautem halo evakuasaun mai kapital Dili, maibe tanba numeru kazu aumenta no fatin izolamentu limitadu, sira deside utiliza fatin alojamentu privadu sai Izolamentu ba pasiente nee. Kestaun nee hatoo husi Diretor Servisu Saude Munisipiu Lautem, Bernardo Amaral Lopes, ba STL liu husi telrfone, Kuarta (12/05/2021).

Nia dehan, total kazu konfirmadu iha Lautem hamutuk nain 12, no kazu sira nee esporadiku tanba detetadu husi sidadaun sira neebe halo viajen husi kapital Dili mai munisipiu Lautem.

“Ami autoriza tama iha Lautem ho kondisaun rua, ida tama livre ba familia ho kontrolu, no seluk obrigatoriu tama kuarentena. Tama livre ba familia nee ba sira neebe hetan autorizasaun husi Centru Integradu Gestão Crize ho aneksu rezultadu teste PCR negativu ho durasaun labele liu loron tolu, sira neebe tama la ho autorizasaun CIGC, maibe rezultadu teste PCR negativu liu ona loron tolu obrigatoriu tama kuarentena,” nia dehan.

Nia esplika, ekipa task force deside rezultadu teste labele liu loron tolu, tanba kazu dahuluk hetan autorizasaun husi CIGC, maibe depois too Lautem teste pozitivu.

Nia informa, dadaun nee sira utiliza fasilidade publiku Polo Universidade nian atu halo konfinamentu obrigatoriu ba sidadaun sira neebe tama la priense kriteria, hanesan rezultadu teste liu ona loron tolu no la ho autorizasaun husi CIGC.

Total sidadaun iha konfinamentu hamutuk 100 resin no pasiente neebe ativu hetan tratamentu iha fatin izolamentu nain 8 ho kategoria lizeiru.

Antes nee, Diretor Nasional Orsamentu no Gestão Finansas, iha Ministeriu Saude, Miguel Maria dehan, total projetus neebe iha ligasaun ho servisu prevensaun no mitigasaun surtu Covid-19 hamutuk 284, inklui konstrusaun ba fasilidade izolamentu iha munisipiu sira.*

Reportajen: Jeniche da Costa
Editora: Josefa Parada

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: