PM Taur Agradese Parseiru Internasional Apoiu Vasina Mai TL

DILI, STLNEWS.co – Primeiru Ministru (PM), Taur Matan Ruak agredese ba parseiru dezenvolvimentu internasional sira neebe durante nee apoiu ona vasina mai Timor Leste, hodi implementa planu vasinasaun iha teritoriu Timor laran, nunee bele proteje sidadaun sira husi Covid-19.

Taur dehan, durante tinan ida liu, ita luta hasoru pandemia Covid-19, Governu Timor Leste la hamriik mesak, no konta mos ho apoiu husi parseiru dezenvolvimentu sira, liu – liu husi sistema COVAX no husi ajensia espesializada sira Nasoins Unidas nian, neebe apoiu vasina hodi implementa planu nasional vasinasaun, no mós iha mellora Sistema Nasional Saude nian.

“Ami agradese tebes ba ita boot sira nia apoiu no jenerosidade, iha tinan difisil tebe – tebes ida nee, neebe ami enfrenta hamutuk efeitu sosio ekonomiku sira pandemia Covid-19 nian, neebe pior liu iha Timor Leste, tanba situasaun kalamidade no dezastre natural sira,” deklara Primeiru Ministru, Taur Matan Ruak liu husi nia intervensaun debate pedidu Estadu Emerjensia (EE) ba dala-17 iha uma fukun Parlamentu Nasional (PN), Tersa (24/08/2021).

Xefe Governu dehan, Timor Leste presiza haree nesesidade atu kolabora no koopera iha nivel interna, nomos iha nivel esterna, tanba governu mesak sei labele manan pandemia nee.

“Ita hotu iha responsabilidade iha prevensaun ba moras nee, hodi implementa loron – loron abitu no komportamentu diak sira, tuir pratika no konsellu internasional sira neebe diak liu. Nunee, hau apela atu renova esforsu sira, hodi mobiliza ita nia povu no ita nia nasaun, ba nesesidade atu enfrenta hamutuk inimigu ida nee, neebe fo ameasa ba moris ita nia oan sira no husi ema sira neebe ita hadomi,” informa Xefe Governu nee.

“Ita tanis ba vitima mortal sira, no ita transmite ita nia konsola ba familia afetada ka familia enlutada sira hotu, no ita renova ita nia firme determinasaun atu kontinua kombate Covid-19 nee, neebe ameasa ita nia familia nia futuru,” dehan PM Taur.

Aleinde nee, nasaun amigu sira neebe mak durante nee apoiu ona vasina AstraZeneca ho Sinovac, mak hanesan Australia, Xina, Japaun, Portugal no Nova Zelandia.*

Reportajen: Alberto Menezes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: