PN Kontinua Swab Ba Daruak; Primeiru Swab Funsionariu 1 Pozitivu

DILI, STLNEWS.co – Parlamentu Nasional kontinua koopera ho Ministeriu Saude, hodi halao teste swab ba daruak. Enkuantu teste iha faze dahuluk funsionariu ida pozitivu Covid-19 no iha ona izolamentu.

Informa portavoz PN atual Sekretaria Meza PN Deputada Lidia Norberta hatete, PN servisu lapara, tanba nuudar reprezentante povu, sira mos halo audensia ho ministeriu barak iha semana kotuk, no ministeriu sira nee sira nia funsionariu balu mos pozitivu, tanba nee sira husu halao teste daruak atu hatene ba sira nia kondisaun saude.

“Tanba kontaktu direta ho ministeriu sira, ami kontinua halo teste swab ba faze da-ruak, maibe laos ba ami deputadu sira deit, ba mos funsionariu sira, motorista, seguransa hotu iha PN, neebe ami koopera ho parte saude. Tanba iha teste faze primeiru nee iha funsionariu balu pozitivu, maibe funsionariu nee mos koopera ho diak hodi ba izolamentu,” informa lejisladora nee iha PN, Tersa (04/05/2021).

Nia haktuir, funsionariu ida neebe pozitivu iha teste primeiru nee, bainhra saude sira detekta sira la telfone, maibe sira haruka deit rezultadu mai iha PN mak foin detekta, tanba nee husu Sentru Integradu Jestaun de Krize (SIJK), bainhira detekta pozitivu husi instituisaun ruma, kontaktu kedas ema pozitivu nee atu labele fo risku ba ema seluk.

Entretantu obesrvasaun jornalista STL haree katak, iha testa swab ba segundu faze nee halao duni iha resintu PN, ba deputadu ho funsionariu, no motorista sira mos koopera ho diak.*

Reportajen: Guilhermina Franco/Domingas Soares
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: