PN Pozitivu Aumenta, Prepara Ba Senariu Boot

DILI, STLNEWS.co – Segundu Orgaun Soberanu Parlamentu Nasional (PN) iha ema nain 14 konfirmadu pozitivu Covid-19 no oras nee dadaun, deputadu no deputada sira diskute hela, atu prepara ba hasoru senariu boot karik akontese iha PN. Informa portavoz PN, atual Sekretaria Meza, Lidia Norberta ba jornalista, iha PN, Dili, Sesta (07/05/2021).

Nia dehan, rezultadu husi enkontru lider bankada ohin, koalia kona ba PN mos iha ona klaster ida, tanba husi swab primeiru rezultadu nain ida mak pozitivu, maibe infelizmente swab segundu rezultadu sai ema nain 11, depois ohin tan rezultadu iha nain 3, tanba nee hamutuk nain 14 mak pozitivu Covid-19 iha PN.

“Nain 14 nee swab primeiru detekta nain ida (1), maibe numeru nee aumenta, iha swab segundu nian neebe detekta tan 13, tanba nee mak ema nain 14”, katak deputada nee.

Deputada nee hatutan, regras agora tama iha PN seguransa sei halo kontrola maximu, se mak atu tama PN tenke uza masker ho los no lao tuir regras protokolu. Mezmu numeru Covid-19 sae iha PN, maibe segundu orgaun soberanu nee kontinua funsiona nafatin no respeita ba rezolusaun neebe aprova ona katak, semana ida iha plenaria dala ida.

Laos nee deit, sira mos diskute kona ba seguransa sivil sira tanba sira mos servisu iha lina frente, liu-liu mos seguransa sivil iha PN, tanba nee PPN mos ohin rekomenda ba governu atu haree seguransa sivil sira nia kondisaun.

“Iha enkontru lidera bankada nee mos diskute atu prepara ba hasoru karik iha senariu boot iha PN, iha posibilidade atu halo zoom, oinsa atu asegura nafatin plenaria nee tenke halao semana ida dala ida,” tenik nia.

Tuir nia, parte Sekjer nian mos iha regras atu funsionariu sira tama rotasaun. Maibe buat neebe mak importante liu hotu-hotu tenke lao tuir protokolu neebe mak iha.*

Reportajen: Guilhermina Franco/Domingas Soares
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...