PNTL Loke Prosesu Disiplinar Ba Membru PNTL Hamutuk 171

Komandante Polisia Nasional Timor Leste (PNTL) loke prosesu disiplinar ba membru PNTL hamutuk 171. (Foto: Facebook)

DILI, STLNEWS.co – Komandante Polisia Nasional Timor Leste (PNTL) loke prosesu disiplinar ba membru PNTL hamutuk 171.

Komandante PNTL, Komisariu Faustino Da Costa hatoo kestaun nee bainhira remata hasoru malu ho Prezidente Republika Francisco Guterres Lú Olo, iha Palasiu Prezidente, Bairru Pite, Kinta (07/01/2021).

Iha biban nee Komandante PNTL hatutan, PNTL halo kapturasaun ikus iha semana ida nee halo kapturasaun entrada neebe mai husi parte Indonezia ninian, klaru katak iha pasadu ema hotu hatene dehan PNTL balun iha area fronteira envolve nee maka prosesu PNTL halo, balun neebe demisaun ona, balun muda sai husi fronteira ba iha munisipiu seluk.

“Kontinuasaun ida nee katak iha 2020 deit PNTL mos loke prosesu disiplinar ba membru PNTL hamutuk 171 kazu neebe rezultadu too demisaun hanesan hau fo hatene bei-beik ba ita boot sira, balun neebe hetan suspensaun katak ita la ativa sira, balun too tempu ida neebe kuaze fulan tolu, haat nia laran.” hatete Komandante PNTL.

Komandante nee hatutan iha tinan ida ba oin sei reforsa tan postu sira iha rai maran nomos tasi oinsa atu koloka mos iha parte Atauro nia.

“Saida maka ita atu haree fila fali iha tinan nee ba oin katak alende ita reforsa postu sira neebe ita iha rai maran no mos tasi, klaru katak ita kontinua ba oin oinsa atu koloka mos iha parte Atauro ninian.” katak nia.

Nunee mos oras nee dekretu governu 21 difine buat nee katak saida maka bandu iha estadu emerjensia ba dala sia, agora ida neebe ema hotu presiza atu haree ninia kontinuasaun nafatin iha neebe, iha situasaun ida nee maka, komandu orienta nafatin PNTL.

“Hanesan ita koalia kona-ba merkadu katak iha responsavel ba parte relevantes maibe iha obrigasaun atu sensebiliza, agora ita koalia kona-ba transporte publiku nee mos iha regras nee hatete laos foin maka ida nee formasaun entre parte hotu nee importante ba iha ninia implementasaun.

Iha biban nee Komandante hatete konaba regra EE ba dala sia ba sidadaun neebe mak iha merkadu tenke uja maskara sei la uza mak PNTL sei kaptura nafatin.

“Iha merkadu nee polisia bele mos atua bainhira ba hola sasan polisia haruka maskara lakohi, polisia bele kaer, se ema faan sasan iha neeba tau bee ho sabaun lakohi fase liman nee kontra mos regras estadu emerjensia hanesan mos iha loja sira, tanba nee maka ami aviza, ita halo prosesu ba ema balun neebe ita koalia nafatin prosesu nee ita lori ba Ministeriu Publiku.” katak nia.

Nia hatutan laos iha Dili laran deit, maibe halo mos iha munisipiu balun tiha ona, detein depois kontinua prosesu ida nee mos PNTL haree agora ba populasaun bai-bain sei haree ba parte hotu iha neebe deit.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here