PR Halo Swab Ba Funsionariu, Faze Primeiru Pozitivu 38

DILI, STLNEWS.co – Atu prevene an husi Covid-19 inklui variante Delta, Palasiu Prezidensial halo Swab ba funsionariu sira maske vasina ona dala rua no Swab faze primeiru funsionariu tolu nulu resin ualu (38) mak pozitivu.

Xefe Casa Sivil, Francisco Maria de Vasconcelos hatete, funsionariu sira halo Swab tanba iha funsionariu nain tolu mak pozitivu ba Covid-19, no foin lalais funsionariu husi palasiu mos halo viajen ba Munisipiu Ainaro no Same, tanba nee atu prevene moras labele daet ba familia presiza Swab.

Swab nee laos foin mak halo, maibe halo kedas iha Sesta feira semana kotuk no Swab faze primeiru funsionariu hamutuk tolu nulu resin ualu (38) mak pozitivu.

Swab nee halo kedas iha Sesta feira ema hamutuk atus ida resin mak tuir swab husi Casa Sivil no Casa Militar no iha tolu nulu resin sia (39) mak hetan pozitivu, ohin halo tan segundu faze ema hamutuk atus ida rua nulu resin haat (124) no lokraik sei iha tan,”  hatete Xefe Casa Sivil, Francisco ba jornalista, iha Palasiu Prezidensial, Nicolau Lobato, Dili,  Segunda (23/08/2021 0.

Xefe Casa Sivil nee hatutan, sira neebe Swab iha faze dala rua iha Segunda rezultadu aban mak rona pozitivu ou negativu. Halo Swab hanesan nee laos iha Palasiu Prezidente deit, maibe presiza halo mos iha fatin seluk nunee bele prevene moras nee labele daet ba familia no komunidade seluk. Swab husi faze primeiru funsionariu Palasiu Prezidente hamutuk nain tolu nulu resin ualu (38) mak pozitivu no sura ho funsionariu balun nia oan nain ida hamutuk tolu nulu resin sia (39).

Sira neebe mak pozitivu ba Covid-19 oras nee dadaun iha izolamentu iha Hotel Novo Horizonte, nunee hetan tratamentu husi mediku sira.

Tuir observasaun neebe mak STL nota iha terenu bainhira funsionariu sira fila husi Munisipiu Ainaro no Same, iha Sesta semana kotuk halo kedas Swab husi mediku sira no ohin kontinua halo Swab ba segundu faze ba sira neebe mak seidauk.

Sira neebe mak Swab laos husi funsionariu Palasiu Prezidente deit, maibe iha mos jornalista sira neebe mak destadu iha Palasiu Prezidente, bainhira halo kobertura hotu tenke Swab mak foin tama palasiu laran mesmu vasina dala rua ona.*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: