Prevene Covid-19, Ema Hotu Tenke Kumpre Regra

Fundador RONETIL, Laurentinho Alves. (Foto: Espesial)

DILI, STLNEWS.co – Sidadaun hotu kontinua kumpre regra serka sanitaria, para nunee bele hadook an husi moras nee (Covid-19).

Kestaun nee hatoo husi Fundador Rede Observasaun Nasional Eleisaun Timor Leste (RONETIL), Laurentino Alves ba STL iha nia knaar Fatin RONETIL, Kuarta (31/03/2021).

Nia husu ba povu tomak atu bele kumpre nafatin serka sanitaria neebe mak implementa husi governu, nunee bele hadook an husi moras Covid-19.

“Ami nia mensajen importante mak husu ba povu Timor Leste tomak atu nafatin kumpre regras serka sanitaria, hodi asegura ita ida-idak nia saude atu hadok an husi surtu Covid-19 liu husi maneira tenke uza maskra, fase liman bebeik ho sabaun, no nafatin mantein distansia fizika 1.5 ate 2 metru,” hatete nia.

Laurentino hatutan konaba implementasun serka sanitaria, RONETIL sujere ba governu diak liu mantein pozisaun hodi akompana nafatin situasaun Covid-19, buka maneira oinsa bele prevene no redus surtu Covid-19 nee, orienta nafatin Forsa F-FDTL no PNTL hodi garantia seguransa iha rai laran.

Iha parte seluk, eis Prezidente Republika Jose Ramos Horta hatete, nia parte mos konkorda atu estende serka sanitaria. Halo prevensaun katak uza maskra, nafatin fase liman ho sabaun, no labele halibur malu ema barak.*

Reportajen: Emerenciana Pinto
Editora: Domingas Gomes

LEAVE A REPLY

Please enter your comment!
Please enter your name here