Prevene Covid-19, OMS Rekomenda Komunidade Kumpre Regra

DILI, STLNEWS.co – Atu prevene Covid-19 iha rai laran, Organizasaun Mundial Saude (OMS) rekomenda ba komunidade sira kumpre nafatin regra neebe iha hanesan uza maskra, fase liman ho sabaun, no iha distansiamentu sosial.

Reprezentante Organizasaun Mundial Saude (OMS) iha Timor Leste, Arvind Mathur hatete, objetivu hasoru Primeiru Ministru hodi responde ba Covid-19 no Covid-19 neebe iha rai laran nee nomos ho kazu neebe agora aumenta oinsa buka solusaun hamutuk ho governu. Kona ba vasina neebe agora lao dadaun, depois aumenta tan vasina neebe iha munisipiu Dili nomos iha munisipiu seluk.

“Durante OMS fo rekomendasaun hanesan ita boot sira hatene, presiza uza maskra no hand sanitizer no fase liman bebeik, evita fatin publiku nomos rekomendasaun seluk mak rekomenda ba iha Ministeriu kontinua restreiu, tanba bainhira ema ida pozitivu iha fatin ida nee presiza detekta mos fatin neebe mak detekta pozitivu ba. OMS kontinua rekomenda medidas prevensaun hotu nomos buka hatene ema neebe mak sintomas, buka tratamentu nomos izola sira,“ dehan reprezentante OMS Iha Timor Leste, Arvind Mathur ba jornalista, bainhira remata hasoru malu ho PM Taur iha rezidensia PM, Farol, Dili, Tersa (18/05/2021).

Tuir informasaun neebe mak espalla mos katak, pasiente Covid-19 nee tarjetu hamate too numeru 300 hatan ba nee katak OMS, Arvind hatete, laiha informasaun ida neebe dehan hanesan nee, maibe organizasaun hotu hotu hakarak buat neebe diak.

“Ami kontinua fo advokasia konaba medidas prevensaun hotu, laiha organizasaun ida mak hakarak iha rai laran ka nasaun ida kazu grave Covid-19 ka hamate ema barak, OMS kontinua fo apoiu iha maneira hotu iha prevensaun no izolamentu nia nomos halo kontaktu restreiu, no OMS kontinua fo apoiu ba ministeriu, laiha organizasaun ida neebe hakarak nia ema mate,” katak nia.

OMS nia objetivu mak atu hamenus no redus moras Covid-19 neebe agora dadaun daet iha rai laran, tanba nee mak OMS kontinua fo advokasia fo suporta ba ministeriu atu halo medidas prevensaun hotu ba komunidade sira.

Bainhira komunidade sira lahalo tuir medidas ba prevensaun ba Covid-19, mak kazu Covid-19 mos aumenta ba bebeik iha rai laran.

Reportajen: Emerenciana Pinto/Alberto Menezes
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Mensagen Avo Ramos Horta https://youtu.be/YPnLzaLb43E Ministério...

Odete: Pasiente Kuarentena Tasi-Tolu La Konkorda Desizaun MS Haketak Feto & Mane

DILI, STLNEWS.co - Ministra Saude, Odete Maria Freitas Belo afirma, fatin izolamentu Tasi-tolu, Ministeriu Saude (MS) koko atu izola feto ketak no mane ketak,...

Joven Baucau Komesa Hakribi Violensia

BAUCAU, STLNEWS.co - Kazu sivil neebe mak sempre mosu la sai preokupasaun estabilidade seguransa Munisipiu Baucau nian, tanba joven barak komesa komesa hakribi violensia. Lia...
%d bloggers like this: