Prevene Covid, Governu Tenke Rekonese Lina Frente

DILI, STLNEWS.co – Relasiona ho pesoal lina frente sira durante nee halao dever ba prevene surtu Covid-19, governu tenke rekonese tanba ema sira nee iha espiritu nasionalizmu ba servisu, maibe sira mos iha nesesidade.

Koordenador Advokasia FONGTIL, Ivo Colimau Lay Costa hatete, pesoal sira hanesan pesoal saude, seguransa, media, no seluk tan, neebe halao servisu iha lina frente ba prevene Covid-19, husu nafatin ba governu atu nafatin fo atensaun ba asuntu ida nee, larekonese ema nia direitu, nee viola ona ema nia direitu, tanba ema sira nee halao ona dever.

“Ita koalia kona ba prinsipiu dever no direitu, ema hotu iha espiritu nasionalizmu, maibe ema hotu mos iha nia nesesidade no interese, tanba nee bainhira ita fo servisu ba ema hodi halao nia dever konserteza tenke iha direitu. Tanba nee ami husu governu atu labele viola direitu ema nian, hodi rekonese pesoal lina frente sira nia direitu,” katak Ivo Colimau Lay Costa ba STL, iha nia knaar fatin FONGTIL, Kinta (29/07/2021).

Nia dehan, FONGTIL triste tebes ho desizaun PR veta dekretu lei kona ba renumerasaun ka osan ba pesoal sira neebe mak servisu iha lina frente, ida nee triste tebes, tanba pesoal sira neebe iha lina frente nee halao ona sira nia papel, neebe sira nee merese duni atu hetan direitu.

Iha parte seluk Xefe Bankada Frente Mudanaa, Deputada Isabel Ximenes apresia ba ekipa ka pesoal lina frente sira, liu-liu ba medikus, infermeirus, ekipa saude vizilansia, F-FDTL, PNTL, bombeirus no seluk tan, neebe mak servisu makaas ba prevensaun covid-19.

Mezmu too agora sira seidauk simu direitu ka seidauk hetan pagamentu ba buat neebe governu promete ona, maibe pesoal sira nee kontinua dedika sira nia aan hodi halao servisu ba povu doben Tinmor-Leste. Tanba nee husu governu oinsa haree ba kestaun nee tanba orsamentu hetan aprova ona iha Parlamentu Nasional.*

Reportajen: Guilhermina Franco
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: