Profesional Saude Nain 20 Pozitivu Covid-19

DILI, STLNEWS.co – Profesional saude iha Munisipiu Bobonaro neebe fo atendementu ba pasiente Covid-19, iha 20 mak detekta pozitivu Covid-19.

Hatete Diretor Servisu Saude Munisipiu Bobonaro, Joao Batista Mau Cardoso ba STL liu husi telefone, Segunda (24/05/2021).

“Profesional Saude neebe afetadu positivu Covid-19 nee, hospital referal Maliana iha 13, no iha ita nia Sentru Saude Munisipiu nain 8, tanba nee ita nia pesoal saude nain 20 mak pozitivu Covid-19, ida nee iha Maliana deit, ita seidauk sura fronteira Motaain,” hatete Joao.

Nia dehan, kazu positivu husi profesional saude hospital referal no sentru saude sira nee mak kontaktu besik ba nia familia rasik hamutuk 40 pesoas.

Nia tenik, oras nee dadaun hospital referal ninia akitividade rawat jalan nee, pasa fali ba Sentru Saude Maliana, maibe atendementu sira seluk sei lao nafatin hanesan bai-bain. Maibe profesional saude neebe hetan pozitivu nee hadaet husi pasiente neebe baixa iha hospital referal.

Nia informa, konaba atendementu laiha implikasaun, tanba nee komunidede sira mos kontinua mai halo tratamentu ba saude, maske komunidade lao distansia kilometru neen mak foin too fasilidade saude.

Iha fatin hanesan, profesional saude neebe lakohi temi naran, informa, loron-loron numeru pozitivu kontinua aumenta bei-beik, mais sira kontinua fo atendementu neebe diak ba pasiente neebe pozitivu Covid-19.

“Ita nia numeru kazu aumenta ba bei-beik, no afeta fali ba ami pesoal saude iha hospital referal nomos sentru saude munisipiu, mais sira neebe pozitivu agora sei iha izolamentu, no ami sira negativu nee mak sei kontinua fo atendementu ba pasiente positivu sira,” fontes konfirmadu nee Informa.

Sira preokupa ba servisu vijilansia maka neebe halo kontaktu besik ba ema pozitivu, sira liu ba sira nia familia uma laran no vizinu sira, inklui foti pozitivu sira iha nia hela fatin ba izolamentu.*

Reportajen: Jeniche da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: