Professores 900 Sei Tuir Vasina

DILI, STLNEWS.co – Ministeriu Edukasaun, Juventude, no Desportu (MEJD) liu husi Edukasaun Munisipiu Viqueque entrega ona lista professores hamutuk 900 ba iha saude, hodi bele tuir vasina iha tempu badak nia laran.

Kestaun nee hatoo husi Direitor Edukasaun Munisipiu Viqueque, Emidio Amaral ba STL liu husi telefone, Kinta (03/06/2021).

Nia dehan, lista professores sira nian neebe mak atu tuir vasina nee, husi edukasaun Munisipiu Viqueque mak entrega ona lista nee ba parte saude, atu nunee professor sira nee bele tuir vasina iha tempu badak nian laran.

“Tuir hau nian hanoin vasina nee buat diak ida atu aumenta ita nian imunidade, maibe ida nee la obriga ita nian professores sira atu bele tuir vasina ida nee. Hau hanoin lista professor sira nian husi Munisipiu Viqueque hau entrega ona ba parte saude nian, atu nunee ita nian professor sira bele halo vasina iha tempu badak nian laran, total professores neebe mak lista ami entrega ona nee hamutuk 900, tanba ita nian saude atende ema barak,” tenik nia.

Emidio sublina, total numeru professores hamutuk 900 nee kompostu husi postu lima neebe iha Munisipiu Viqueque nian laran, agora professores hirak neebe naran iha lista seidauk iha, sira mos sei iha oportunidade para bele ba tuir hotu vasina, no maluk balun neebe mak iha moras komplikadu, sira mak labele tuir vasina, maibe restu laiha moras nee sira bele tuir hotu programa vasina nee rasik.

Iha fatin seluk, Diretor ESJ no 4 Setembru Balide, Sergio A. da Cruz, dehan, tuir vasina nee diak, tanba atu prevene husi moras Covid-19, maibe la obriga ema atu tuir, tanba professores barak mos mak iha moras komplikadu.

“Hau hanoin buat ida vasina nee diak, para ita bele halo prevensaun ou hasae ita nian imunidade neebe forti liu tan ba iha pandemia Covid-19 ninia, maibe ita nian professores barak iha moras komplikadu, tanba nee presiza mos tetu didiak, antes ba tuir vasina, maibe vasina nee mos diak ba ita, para ita nian imunidade nee sai forti liu tan, hodi hasoru Covid-19, neebe mak ninia kazu pozitivu kada loron nee aumenta bebeik deit,” afirma nia.*

Reportajen: Jacinta Sequeira
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: