Prosesu Jere Mate Isin Tuir Protokolu IPC Atu Evita Transmisaun Virus

DILI, STLNEWS.co – Reprezentante Organizasaun Mundial Saúde, iha Timor-Leste, Arvind Mathur hatete, protokolu prevensaun no kontrolu infesaun jestaun seguru ba mate isin iha kontestu Covid-19, konsidera dignidade, kultura no fiar ema ida-ida nian.

Tanba nee, governu iha responsabilidade koordena ho familia hodi halot mate isin iha neebe deit, importante asegura pratika Prevensaun no Kontrolu Infesaun (IPC-sigla Ingles) lao durante prosesu halao atu evita transmisaun virus.

Nia dehan, pratika prevensaun no kontrolu infesaun hanesan ijiene liman, uza ekipamentu protesaun pesoal, no halo desinfentan ba sasan sira hotu.

“Liu-liu ba ekipa sira neebe treinadu ba jere mate isin iha mortuariu tenke uza ekipamentu protesaun pesoal aproriadu antes kaer mate isin, no halo desinfekn
ta ba sasan hotu wainhira hasai mate husi mortuariu,” hatete reprezentante Organizasaun Mundial Saúde, iha Timor-Leste, Arvind Mathur ba jornalsita sira, horiseik iha nia knaar fatin, Kuarta (14/04/2021).

Nia esplika, familia bele hare mate isin antes ekipa falun metin, maibe labele kaer tanba virus iha mate isin bele daet liu husi been sira neebe sulin iha isin.

“Ida nee mak guia neebe ami fo iha mos adaptasaun nasaun ida-ida nian, neebe Minisiteriu da Saude halo hela. Intermus jestaun kazu mate sira, halo tuir protokolu prevensaun no kontrolu infesaun. Karik iha buat ruma neebe hau lahatene liu-liu pratika seluk, maibe ami sente Ministeriu da Saude liu-liu ema sira neebe halo jestaun ba kazu mate isin tuir hela guia ida nee,” nia informa.

Nia hatutan, guia OMS nian, la hateten semiteriu hakoi mate isin ho Covid-19 tanba nee depende ba autoridade nasional nia regulamentu atu indika fatin, maibe mos tenke koordena ho familia, tanba nee rekomendasaun OMS nian konaba serimonia funeral fatin tenke estrilizadu, limita partisipante atu nafatin pratika medida prevensaun hanesan distansia fisiku, uza maskra, fase liman beibeik ho bee no hand sanitizer atu bele prevene transmisaun virus.

Nia tenik, protokolu mos la dehan ema neebe mate ho Covid-19 tenke haloot lalais kedas ho urgente tanba nee importante governu ho familia tenke iha konkordansia hodi haloot mate isin tuir protokolu neebe adopta.

Iha parte seluk, Ministra da Saude, Odete Maria Freitas Belo dehan,
atu haloot mate isin ho Covid-19, liu-liu matebian ho naran Armindo Borges, neebe mate iha loron 12 fulan Abril, nee desizaun governu nian liu husi Konsellu Ministru tantu entrega ba familia ou ba hakoi iha Metinaru tanba Covid-19 nee pandemia.

Nia dehan pontu de vista saude nian, prosesu tomak tenke tuir protokolu neebe iha katak halot iha fatin neebe governu indika ona iha Metinaro ho pratika prevensaun neebe apropriadu atu evita transmisaun virus.

Tuir observasaun STL iha terrenu katak, mate isin Armindo Borges, ohin SIJK deside ona entrga ona ba lider karismatiku Kay Rala Xanana Gusmão ho familia matebian hodi halot iha semiteriu Manleuana.*

Reportajen: Jeniche da Costa
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Estrada Kotu Total, Ameasa Sede Suku Libagua

BAUCAU, STLNEWS.co - Relasiona ho tempu udan iha loron 4 fulan Abril liu ba, estrada diresaun Larifanu too Igreja Samalari kotu total, hodi fo...

Kondutor Kestiona Ema Menus Sosa Rai Henek

DILI, STLNEWS.co - Kondutor hirak neebe lori kareta baskulante, neebe iha area Fomentu, sira kestiona kada loron ema sosa rai henek menus hela deit. "Kada...

Krime VD No Kontra Bandu Aas Iha TDS

DILI, STLNEWS.co - Tribunal Distrital Suai, rejistu krime neebe kada loron julga barak liu maka krime violensia domestika (VD) ho forma ofensa integridade fisika...
%d bloggers like this: