PS Baucau Rekuperadu Ona Husi Covid-19, Pozitivu Baucau 51, Grave 1

BAUCAU, STLNEWS.co – Pesoal Saude (PS) iha Munisipiu Baucau neebe mak durante nee afeita pozitivu ba Covid-19, rekuperadu hotu ona, enkuantu total kazu pozitivu Covid-19 iha Munisipiu Baucau hamutuk lima nulu resin ida (51), ida (1) mak grave ohin transfere ona ba Dili.

Lia hirak nee hato’o husi Diretor Servisu Saude Munisipiu Baucau, Domingos Reinaldo da Costa Guterres ba jonalista iha nia knaar fatin sentru saude Riamari, Kuarta nee (15/09/2021).

“Pesoal saude sira rekuperadu hotu ona neebe halao fali ona servisu hanesan baibain,” dehan diretor nee.

Nia esplika, kazu pozitivu Covid-19 dadaun iha Munisipiu Baucau, total hamutuk lima nulu resin ida (51), husi numeru nee mane nain rua nulu resin rua (22) feto rua nulu resin sia (29), husi total nee mos sidadaun ida (1) grave, loron 15 fulan Setembru tinan 2021 oras meudia nee lori ona ba Dili hodi hetan tratamentu.

Domingos hatete, maske iha Munisipiu Baucau prepara ona fatin Intensive care units (ICU) ba pasiente Covid-19, maibe haree ba fasilidade saude iha sala ICU refere, oras nee ladauk kompletu, nunee transfere ba Dili hodi fo  tratamentu neebe mak diak liu.

“Ita iha kazu grave ohin sira komesa transfere ona ba Dili,” tenik nia.

Ekipamentus neebe mak sei falta iha sala izolamentu ICU, neebe iha eis hospital Tirilolo Baucau to’o oras nee, ekipamentus neebe mak seidauk kompletu mak hanesan ventilador no monitorin seidauk monta hotu, ho razaun nee mak transfere sidadaun grave nee ba Dili.

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: