Regras EE da-9, Nakonu Ho Lakunas

Diretor Ezekutivu FONGTIL, Daniel Carmo dos Santos. (Foto: STL/Santina Castro)

DILI, STLNEWS.co – Regras iha Estadu Emerjensia da-9 regirozu, maibe sei nakonu ho lakunas barak iha implementasaun, tanba labele halibur ema liu 10, maibe governu distribui aihaan sesta bazika halibur liu tiha numeru neebe hatete.

Direitor Ezekutivu FONGTIL, Daniel Santos do Carmo hatete, regras neebe governu tau ona, nee konsidera ona dekretu neebe ho nu. 20/2020 entaun aplika buat lubuk ida iha neeba hare katak nee diak, tanba bele ajuda sidadaun sira bele kolabora hodi fo prevensaun ba Covid-19.

“Maibe ita mos rezista lakunas barak iha implementasaun regras nee, porezemplu ita hare iha regras nee hatene dehan halibur ema labele liu ema nian 10, agora governu halo nia programa distribuisaun aihaan sesta bazika nee ema halibur malu hamutuk, liu tiha numeru neebe hatete,” dehan nia ba STL iha nia knar fatin, Caicoli, Dili, Segunda (11/01/2020).

Nia dehan, governu helik hodi hatete dehan regra konsentrasaun liu ema nain 10 la aplika ba iha distribuisaun aihaan sesta bazika, entaun hare katak ida nee lalogika, bainhira hare konaba aplikasaun regra nee.

“Agora ita haree katak ita iha teritoriu nasional, maibe ita haree iha munisipiu sira laduun regirozu ema halibur malu hela, entaun ita iha teritoriu nasional maibe aplikasaun regra nee hanesan iha munisipiu balun aplika maibe iha munisipiu balun la aplika,” dehan nia.*

Reportajen: Santina Cardorso
Editora: Carme Ximenes

LEAVE A REPLY

Please enter your comment!
Please enter your name here