Rekorde Zero Ema Mate Iha Nova Zelandia Nakfera Iha Fulan Tolu Ikus

Primeiru Ministru Nova Zelandia, Jacinta Ardem. (Photo: Livemint.com)

STLNEWS.co – Rekorde zero ema mate kauza husi pandemia surtu Covid-19 iha Nova Zelandia iha fulan tolu ikus nakfera. Sidadaun mane ida ho idade 50 anos iha Auckland mate hafoin kona infeksaun corona virus.

“Sidadaun mane ida ho idade 50 anos nuudar parte husi Auckland iha fulan Agostu, ohin mate iha hospital Middlemore,” deklara Departementu Saude Nova Zelandia, Sesta (04/09/2020).

Ida nee relatoriu ema mate primeiru ves kauza corona iha Nova Zelandia iha fulan tolu ikus. Tuir dadus neebe iha Nova Zelandia, hato’o relatoriu ikus kona ba ema mate kauza husi corona virus iha loron 24 Maiu liu ba.

Ho aumenta tan ema ida mate, maka total ema mate kauza husi corona virus iha Nova Zelandia agora dadaun to’o ona ema nain 23. Total kazu Corona iha nasaun refere, tuir dadus konta husi John Hopkins University (JHU), to’o ona 1.764 kazu.

Fonte: AFP

Editor: Ekipa STL

LEAVE A REPLY

Please enter your comment!
Please enter your name here