RONETIL Husu Governu Implementa KO

DILI, STLNEWS.co – Rede Observasaun Eleisoens Timor Leste (RONETIL), husu governu implemta Konfinentu Obrigatoriu (KO), tanba numeru Covid-19 inklui variante Delta aumenta iha rai laran.

Kestaun nee hato’o husi Konsellu Fundador Rede Observasaun Eleisoens Timor Leste (RONETIL), Laurentino Alves ba STL, liu husi telefone, Kuarta (25/08/2021).

“Ho kondisoes grave neebe estadu no povu Timor Leste enfrenta kauza husi transmisaun Covid-19 inklui variante Delta, nee governu diak liu asegura kondisaun liu husi Konfinamentu Obrigatoriu ba sidadaun hotu iha kapital Dili, tanba nee solusaun uniku hodi prevene transmisaun nee sai grave liu tan,” dehan Laurentino.

Nia hatutan, tuir RONETIL nia hanoin uniku opsaun tolu mak governu, tenke halo hodi prevene transmisaun Covid-19 neebe sai perigu iha rai laran.

Primeiru kumpre regras Organizasaun Saude Mundial (OMS) no Ministeriu Saude (MS) hanesan uza maskara, fase liman bebeik, no kumpre distansia sosial ho metro (1.5m – 2.00m).

Segundu, governu tenke hasai regulamentu obrigatoriu hodi normaliza situasaun nee ho maneira Konfinamentu Obrigatoriu no Domisiliariu

Terseiru, governu tenke koopera ho orgaun estadu hotu hodi aplika regulamentu obrigatoriu ba situasaun nee hodi bele normaliza kondisoens ba estadu.

Nia hatutan se la implementa regra neebe mak iha ho diak mak situasaun sei aumenta grave. “Se lae ita nia situasaun nee bele grave liu tan ba bebeik.” tenik nia.

Nia mos husu ba sidadaun hotu – hotu atu nafatin kumpre regras sanitaria husi MS hodi bele minimiza risku transmisaun Covid-19 inklui variante Delta iha komunidade sira nia leet.

Prezidente Republika, Francisco Guterres Lú Olo mos hatete, oras nee numeru ba kazu Covid-19 inklui variante Delta kada loron numeru aumenta bebeik, dalan uniku atu prevene mak liu husi vasina.

Husu sidadaun hotu atu simu vasina, nunee bele hasae imunidade ema nia hodi bele prevene an husi Covid-19 inklui variante Delta.*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: