SAMES Esforsu Distribui Vasina Ba Munisipiu

DILI, STLNEWS.co – Servisu Autonom Medikamentu no Ekipamentu Saude (SAMES), esforsu halo distribuisaun vasina AstraZeneca hamutuk ho vasina Sinovac ba iha munisipiu 12 inklui RAEOA transporta ho aviaun.

Kestaun nee hatoo husi Diretor Executivu Servisu Autonom Medikamentu no Ekipamentu Saúde (SAMES), Santana Martins ba jornalista sira iha nia knar fatin Kuarta (16/06/2021).

“Dadaun nee ita iha vasina Sinovac hamutuk 100.000 doze no AstraZeneca hamutuk 100.800 doze, maka rai hela iha armajen central, tanba nee ita esforsu atu halo distribuisaun ba munisipiu sira ho seguru, liu-liu asegura kualidade produtu neebe diak too ba ita nian komunidade,” nia hatete.

Nia dehan, kareta rua neebe sira aluga ho kustu $165 loron ida, tanba nee koko atu aluga tuir tempu neebe iha, tanba durante kareta ida kobre rejiaun leste kompostu husi munisipiu Manatuto, Baucau, Lautem no Viqueque.

Nia esplika, nomos kareta ida seluk kobre rejiaun oeste kompostu husi Dili, Ermera, Liquiça, Bobonaro, kareta ida seluk fali kobre Aileu, Ainaro, Covalima, Manufahi, no RAEOA transporta ho aviaun.

Antes nee, reprezentante UNICEF iha Timor Leste, Bilal Durrani informa, sira servisu besik ho SAMES atu fortalese sistema malirin hodi transporta no asegura vasina sira ho temperature neebe apropriadu.*

Reportajen: Jeniche da Costa
Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: