SEKOMS Husu CVTL Kontribui Kampana Vasinasaun

DILI, STLNEWS.co – Sekretariu Estadu Komunikasaun Sosial (SEKOMS), husu Cruz Vermelha Timor Leste (CVTL), atu nafatin fo kontribuisaun hodi halo kampana vasinasaun hanesan meius ida hodi kombate Covid-19.

Nia hateten, governu apresia Cruz Vermella Timor Leste, hahu husi inisiu too agora tanba ajuda ona governu iha tempu difisil nia laran.

“Iha tempu difisil no iha situasaun Covid-19, Governu husu atu Cruz Vermella Timor Leste nafatin fo kontribuisaun makas ba Governu liu husi halo kampana ba vasinasaun,” tenik SEKOMS, Mericio Juvinal dos Reis “Akara” liu husi komunikadu neebe STL asesu Kuarta nee (23/06/2021).

Governante nee dehan, oinsa Cruz Vermelha Timor Leste enkoraja sidadaun hotu-hotu atu tuir vasina hanesan meius ida atu kombate Covid-19 iha Timor Leste.

Iha fatin hanesan, Prezidente CVTL Madalena Hanjam hateten, CVTL sei servisu diak liu tan ho governu no parseiru sira hodi apoia sidadaun sira nebee monu iha susar laran.*

Reportajen: Maria Tavares
Editora: Domingas Gomes

LEAVE A REPLY

Please enter your comment!
Please enter your name here