Sidadaun Ida Afetadu Covid-19 Mate iha Izolamentu Tirilolo Baucau

BAUCAU, STLNEWS.co – Sidadaun feto ida ho idade 23, husi Aldeia Makadai de Baixo, Suku Bucoli, Postu Administrativu Baucau Vila, Munisipiu Baucau, horiseik loron 28 fulan Setembru tinan 2021, hakotu iis iha sala izolamentu eis SPK Tirilolo.

Lia hirak ne’e hato’o husi koordenador Sentru Integradu Jestaun Krize (SIJK) Baucau, Adolfo Dias Marçal ba jornalista iha nia knaar fatin, Kuarta nee (29/09/2021).

“Kazu obitu iha izolametu feto ida ho idade 23, nia mate iha oras tuku 14:00 lokraik,” dehan Adolfo.

Nia konta matebian nia kronolojia moras, antes ne’e matebian mos moras hanesan “Cardiopatidilata” signifika matebian ne’e iha moras fuan.

Matebian ne’e mos, antes ne’e halao tratamentu iha Malazia no Indonezia, maibe espesialista sira hatete katak, sedu ou tarde labele salva matebian ne’e nia vida.

Nunee iha semana ida liu ba, matebian deside atu halo tratamentu iha Hospital Rejional Eduardo Ximenes (HoREX) Baucau, maibe liu husi teste swab ne’ebé mak pesoal saude sira halo ba matebian ne’e, hatudu rejultadu pozitivu Covid-19.

Iha rejultadu hatudu pozitivu Covid-19, nunee deside lori matebian ba kontinua halo tratamentu iha izolamentu eis SPK Tirilolo Baucau, maibe iha izolamentu mos espesialista sira kontinua atende, maibe iha loron 28 fulan Setembru tinan 2021 maizoumenus tuku 14:00 OTL, matebian nia iis kotu.

Nia hatutan, liu husi teste swab ba matebian iha HoREX Baucau, semana foin liu ba detekta hatudu rejultadu ba Covid-19, nunee SIJK Baucau deklara sidadaun ne’e mate tanba covid-19, maske matebian iha moras komplikadu.

Dadaun ne’e mate isin rai hela iha mortuariu eis Hospital Tirilolo Baucau, hodi hein ekipa koveirus husi nasional to’o mak foin lori ba halot iha rai moris fatin Suku Bucoli.

Hakarak informa katak, dadaun ne’e governu liu husi SIJK nasional prepara ona kaisaun 10 iha Munisipiu Baucau, hodi apoiu ba sidadaun sira ne’ebé mate tanba Covid-19.*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...