Sidadaun Neebe Kaptura Husi POLRI, Izola Iha Gor Baucau

BAUCAU, STLNEWS.co – Komando Polisia Nasional Timor Leste (PNTL), Munisipiu Baucau simu orientasaun husi Komando Jeral PNTL, liu husi Sentru Integradu Jestaun Krize (SIJK) Baucau, simu sidadaun nain atus ida sia nulu resin ualu (198), neebe kaptura husi Polisia Republika Indonezia (POLRI) iha Belu, Nusa Tengara Timur (NTT). Agora dadaun  sidadaun hirak nee iha ona izolamentu Gor Baucau.

Komadante Komando PNTL Munisipiu Baucau, Superintendente Xefe Armando Monteiro hatete, Sabadu semana kotuk liu ba iha tuku 9.00 Otl, Komando PNTL Munisipiu Baucau simu orientasaun husi Komando Jeral PNTL, atu kria kondisaun liu husi Sentru Integrasu Jestaun Krize (SIJK), hodi simu sidadaun neebe mak hakat liu fronteira kontra ka viola regras  Estadu Emergensia (EE) nian, liu husi kordenasaun neebe mak lori tempu naruk, maibe liu husi Autoridade Polisia Republika Indonezia (POLRI), halo operasaun konsege kaptura sira iha Belu, tanba sidadaun hirak nee hakat liu fronteira.

Nia hatete, Liu husi kapturasaun iha loron Sesta semana kotuk, Polisia Republika Indonesia nian entrega kedas ba seguransa sira iha fronteira, nunee iha loron Sabadu semana kotuk PNTL Munisipiu Baucau simu kedas sidadaun hirak nee.

“Total hamutuk atus ida sia nulu resin ualu (198), kompostu husi feto nain lima (5) restu nee mane hotu, mai husi ita nia munisipiu ualu (8), maioria sidadaun sira nee idade produtiva hotu,” dehan Superintendente Xefe, Armando Monteiro, ba jornalista iha nia knaar fatin, Segunda nee (23/08/2021).

Nia hatutan, sidadaun sira hamutuk atus ida sia nulu resin ualu (198), neebe mak hakat liu fronteira husi Munisipiu Ermera hamutuk neen nulu resin hitu (67), Dili rua nulu resin ualu (28), Covalima rua nulu resin ida (21), Baucau nain rua (2), inklui Munispiu Viqueque nain lima (5), husi munisipiu neebe mak la temi balun sanulu resin haat (14) no sanulu resin lima (15).

Armando hatete, hafoin liu oras tuku 11 Otl, sidadaun hirak nee to’o iha area juridiku Baucau nian, ofisialmente simu liu husi SIJK, dadaun nee asegura ona iha fatin Gor Baucau, sai sentru izolamentu provizoriu.

Razaun transfere sidadaun hirak nee mai Munisipiu Baucau, hodi kumpre regra izolamentu, tanba dadaun fatin atu izola sidadaun hirak nee iha sidade Dili laiha ona, tanba kazu pozitivu ba Covid-19 iha sidade Dili kada loron sempre aumenta, nunee transfere fali mai Munisipiu Baucau.

Nia hatutan, fatin neebe indika ona atu tau sidadaun neebe mak hakat liu fronteira atu izola sira sei tau seguransa, nunee mos sidadaun neebe mak izola iha fatin Gor Baucau sei la sai arbiru.

Nunee mos apela ba komunidade neebe mak hela besik iha fatin, liu husi kordenasaun ho entidades hotu – hotu, nunee monta ona seguransa iha fatin Gor Baucau, atu asegura komunidade sira neebe mak hela besik, nomos ba sidadaun neebe mak izola iha fatin nee atu lalika sai arbiru.

Komadante nee esplika, atu hatene lolos sidadaun hirak nee, ba sae sintu iha Indonezia ka ba halo aktividade seluk, depois remata kumpre iha tiha izolamentu, sei investigasaun mak hatene lolos sidadaun hirak nee hakat liu fronteira ho motivu saida.*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: