SIJK Husu Ativu Motiva Populasaun Simu Vasina

DILI, STLNEWS.co – Vise Koordenadora Forsa Tarefa ba Prevensaun Covid-19 Sala Situasaun Sentru Integradu Jestaun Krize (SS-SIJK), Odete Viegas husu ba lina minesteriais no lider autoridade lokal sira, atu ativa motiva populasaun sira hakbesik an ba fatin sira neebe Ministeriu Saude indika ona simu vasina.

Kestaun nee Odete hateten wainhira hasoru malu ho Primeiru Ministru Taur Matan Ruak iha rezidensia Xefe Governu Farol,Tersa (08/06/2021).

“Hau hetan konvite ida husi Primeiru Ministru Taur Matan Ruak atu mai koalia kona ba vasina neebe hahu lansamentu loron 7 Abril liu ba, maibe ita haree numeru infesaun moras covid nee kada loron sempre aumenta, maske pesoal saude sira durante nee esforsu an kontinua fo sira nia tempu hodi atende populasaun sira, maibe presiza mos apoiu husi lina minesterias seluk, lider autoridade lokal sira oinsa fo mensajen para motiva populasaun sira bele partisipa iha vasina nee, tanba dalan uniku atu prevene ema hotu mak tenki simu vasina,” dehan nia.

Odete dehan, vasina segundu doze ba populasaun sira sei hahu iha Kinta nee iha kapital Dili, no ba munisipiu seluk sei hahu iha semana loron 14 fulan Junnu.

“Iha Munisipiu Dili ita sei hahu ho COVAX Facility neebe aban sei too, no distribui kedas ba sentru saude sira iha Dili, nunee iha loron Kinta sidadaun sira neebe simu ona vasina iha loron 7 Abril liu ba, bele ba simu vasina ba segundu doze nian,” dehan nia.

Aleinde nee, Odete husu ba populasaun sira antes ba simu vasina tenki haree uluk kartaun vasina tuir loron neebe determina ona, hanesan liu ona semana 8, maibe foin lalais nee planu vasinasaun nee lansa tarde.

Reportajen: Alberto Menezes
Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: