SIJK Rejistu Tan Ema Mate Pozitivu Covid-19 Nain 2

DILI, STLNEWS.co – Loron Tersa 24 Agostu tinan 2021, liu husi Centro Integrado Gestão de Crises, Sala Situação (CIGC-SS / SS-SIJK) rejistu tan kazu ema mate ho konfirmadu pozitivu Covid-19 nain rua (2).

“Feto ho idade tinan 35, Timoroan nee hela iha Dili, seidauk vasina, iha 22 de Agostu de 2021 diagnóstikadu sindroma insufisiénsia respiratoria aguda (SIRA) tanba Covid-19 (PCR pozitivu, CT Egene 22),” informa Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste (CIGC-SS), Rui Maria de Araújo ba jornalista sira liu husi nota konferensia imprensa, Tersa nee (24/08/2021).

Nia dehan, total obitu neebe rejistu iha loron tersa 24 de Agostu tinan 2021 iha nain 2 (rua), matebian nain rua nee baixa hela iha sala izolamentu Lahane.

Nia esplika, hahu halo tratamentu iha Lahane iha loron nee kedas, depois ohin dader matebian iis-kotu 05:10 OTL dader.

“Ita ho familia matebian kordena hela ho ekipa saude sira atu halao funeral tuir protokolu neebe adopta iha Timor-Leste,” nia esplika.

Nia informa tan, ida seluk mane ho idade tinan 65 hela ida Dili, seidauk vasina, iha 23 de Agostu tinan 2021, diagnostikadu sindroma insufisiensia respiratoria aguda (SIRA) tanba Covid-19 (Rapid Antigen Test Positive).

Nia tenik, hahu halo tratamentu iha Lahane iha loron nee kedas, no ohin lokraik matebian iis-kotu 15:20 OTL, maibe familia kordena hela ho ekipa saude sira atu halao funeral tuir protokolu neebe adopta iha Timor-Leste.

Aleinde nee iha sala Izolamentu Vera Cruz no Lahane, iha dia 24 de Agostu tinan 2021, halo tratamentu ba kazu detetadu nain 69. Nia afirma, husi sira nain 47 iha medisina interna, 20 kategoria grave (4 uza ventilador, 1 ho Continuous Positive Airway Pressure, 14 ho oksijéniu), 14 kategoria moderadu, 13 kategoria leve, 5 sirurjia, kategoria leve hotu, nomos 5 iha pediatria, kategoria leve hotu, 2 iha perinatolojia, kategoria leve hotu.*

Reportajen: Jeniche da Costa
Editora: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: