Sulan Povu Ermera, Atividade Fronteira Lao Livre

DILI, STLNEWS.co – Governu sulan povu Ermera labele halo movimentu, labele lori produtu lokal mai faan iha Dili, maibe odamatan boot hanesan iha fronteira husik ema livre tama no sai.

“Ita taka portaun ba munisipiu sira, maibe portaun entrada internasional nian ita nafatin loke hodi fasilita ema tama sai hanesan iha fronteira, tan nee Covid-19 la mosu iha Timor, Covid-19 lori husi ema neebe halo movimentu tama sai rai laran,” kestaun nee fo sai husi Ofisial Ligasaun  Instituisional AJAR, Inocencio de Jesus Xavier ba STL, Sesta (20/08/2021) nee iha nia knaar fatin Farol.

Nia afirma liu tan, bainhira governu atu estabelese Serka Sanitaria iha Ermera, governu tenke taka metin pontu entrada sira, tanba Covid-19 ho variante Delta nee la mosu husi Munisipiu Ermera, no Timor laos nain ba Covid-19 hodi lori moras sira nee sai ba mundu.

Atu prevene povu husi moras sira nee, mak tenke taka fronteira halo metin, labele fo espasu ba ema hodi tama sai ilegal.

“Ita sulan povu Ermera labele mai Dili, no Dili labele ba Ermera, maibe portaun entrada sira nee, ita husik ema tama sai nafatin, loloos nee iha rai laran nee ita tenke kria kondisaun neebe diak atu nunee fasilita povu lori sira nia produtu ba mai hodi hetan netik osan, maibe politika sira foti desizaun oin seluk, sulan povu iha munisipiu, no loke dalan ba ema tama sai ilegal iha fronteira,” dehan nia.

Iha parte seluk Abeto Esperansa (emprezariu Ermera oan) hatutan, governu estabelese Serka Sanitatia (SS) iha Munisipiu Ermera tanba Covid-19, maibe Covid-19 nee mosu husi neebe karik, loloos SS nee estabelese iha Munisipiu Bobonaro ho Cavalima, tanba parte rua nee iha kedan fronteira duke Munisipiu Ermera.

“Variante iha Munisipiu Ermera nee, anin mak lori mai karik tanba Ermera dook tebes husi fronteira, ema tama ilegal mai, tenke kona uluk Bobonaro mak foin mai Ermera, maibe derepenti dehan variante Delta iha fali Ermera nee mak halo povu la fiar,” dehan emprezariu nee.

Nia afirma liu tan, loloos nee governu tenke kontrola didiak mak fronteira sira nee, atu nunee ema labele tama sai livre, maibe kontrariu fali, governu husik ema iha fronteira tama sai livre, no sira hasai fali desizaun hodi sulan fali mak povu Ermera labele ba Dili, no husi Dili mos labeke mai Ermera.*

Reportajen: Madalena Horta/Guilhermina Franco

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: