Suspeitu Hein Rezultadu Teste Nain 100

Diretora Kordenadora Jeral Komisaun Prevensaun ba Covid-19, Odete Viegas. (Photo: STL News/Domingas Soares)

DILI, STLNEWS.co – Suspeitu neebe agora sei hein rezultadu teste husi laboratorium nasional hamutuk nain 100. Tuir Diretora Kordenadora Jeral Komisaun Prevensaun ba Covid-19, Odete Viegas, hatoo liu husi konferensia imprensa iha Vera Cruz, Sesta (04/09/2020).

“Agora dadaun, ema hirak neebe sei hein rezultadu este husi laboratorium nasional hamutuk nain 100 depois, total kumulativu teste laboratorium hamutuk ema nain 5.860 ho rezultadu hatudu negativu hamutuk 5.733,” dehan Diretora nee.

Nia dehan, agora dadaun pasiente neebe baixa hela nain 1, kazu mate mos laiha. Total ema neebe iha fatin kuarentena hodi kumpri loron 14, agora dadaun nain 205, no sira neebe iha auto kuarentena nain 152.

Nia haktuir, no ema sira neebe pasa ona loron 14 iha fatin kuarentena obrigatoriu hamutuk 3.853.

Nia akresenta, hakarak hatoo ba publiku katak, servisu neebe maka MS halo atraves husi pilares 1 too pilares 9 nafatin didika sira nia aan, ba halo servisu ida neebe maka iha pilar idak-idak responsabliza hahu iha servisu sentral nunee mos iha munisipiu sira hotu.

Nia hatutan, husu ba publiku atu nafatin koordenasaun i koperasaun liu-liu hamutuk ho autoridade sira, nomos populasaun tomak atu nafatin kopera tanba agora dadaun nee mos ita nia pasazeirus sira nafatin tama, depois loron 17 sira nafatin tama.

Nia hakotu, entaun pilares servisu neebe maka presta maka, pilares 3 pilares 4 no pilares 8 halao nafatin servisu, hodi atende ita nia pasazeirus sira tama iha kuarentena nomos iha auto kuarentena balun.

Reportajen: Domingas Soares

Editor: Ekipa STL

LEAVE A REPLY

Please enter your comment!
Please enter your name here