Suspende Eskola, Atividade Seluk Livre

DILI, STLNEWS.co – Governu liu husi Ministeriu Edukasaun, Juventude, no Desportu (MEJD), suspende atividade eskola, tanba kazu pozitivu aumenta, maibe iha parte balun atividade seluk husik livre.

Tuir Delegadu Provinsial Ordem Carmelita iha Timor-Leste, Pe. Carlito da Costa Araujo OC, hatete, Ministeriu, Edukasaun, Juventude, no Desportu (MEJD), foti desizaun suspende eskola iha loron 17 to’o loron 30 fulan Agostu 2021, husi Ensinu Baziku Primaria, Pre Sekundaria no Sekundaria. Maibe iha parte balun haree ba realidade laiha balansu ida.

“Ita bele dehan injustisa iha neeba, sira suspende atividade eskola neebe mak sai esperansa ba nasaun nian, maibe atividade hanesan desportu, pameran, loja iha fatin barak movimentu nee lao livre, maibe ita nia governu rasik la preokupa ho situasan ida nee,” preokupasaun nee hato’o husi Delegadu Provinsial Ordem Carmelita iha Timor Leste, Pe. Carlito da Costa Araujo, ba STL iha Aimutin, Sesta (20/08/2021).

Pe. Carlito haktuir, suspende atividade eskola katak, kbiit ba nasaun Timor Leste sai esperansa ba joven sira bele aprende liu tan, maibe sai ema barak nia preokupasaun.

Tanba sira la fo importansia ba futuru nasaun nee nian, maibe sira hola medida neebe bele dehan, laiha balansu.

“Ita bele dehan, haree nia pontu pozitivu Covid-19 neebe espalla iha TL nee kestaun ita nian, maibe mos nee kestaun mundial global, ema iha mundu mos preokupa pandemia Covid-19, rona dehan barak pozitivu Covid-19, nee ita hotu nia preokupasaun,” dehan Pe. Carlito.*

Reportajen: Joaninha Belo

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: