Taur Observa Direta Kondisaun Pasiente Grave Covid-19 Iha Izolamentu Lahane

DILI, STLNEWS.co – Primeiru Ministru (PM) Taur Matan Ruak observa direta kondisaun pasiente grave Covid-19, neebe dadaun nee halo hela tratamentu husi mediku sira iha izolamentu Lahane.

PM Taur haktuir, nia parte agradese ba doutora Celi ho ekipa tomak, tanba bele esplika no hatudu problema neebe izolamentu Lahane hasoru, nomos kondisaun pasiente Covid-19 neebe dadaun nee iha izolamentu laran.

“Hau kontente haree ita nia pasiente sira ohin hahu rekopera promesivamente, entaun hau hakarak agradese doutora Celi ho nia ekipa tomak, neebe loron kalan la hatene kole, hader hodi tau matan ba ita nia familia sira neebe afeta Covid-19 iha izolamentu Lahane nee,” informa PM Taur Matan Ruak, hafoin remata observa kondisaun pasiente Covid-19 iha Klinika Lahane, Dili, Sabadu nee (18/09/2021).

Xefe governu dehan, dala barak nia hasoru pasiente hodi kolia ba sira katak, bainhira ema moras fiar ba buat tolu deit mak hanesan, Maromak, mediku no familia sira.

“Tanba nee governu manifesta nia solidaridade ba mediku sira, neebe mak halao servisu iha Klinika Lahane, hodi tau matan ba pasiente sira nee ho diak,” tenik nia.

Aleinde nee, Xefe Governu mos lamenta no preokupa ho kondisaun iha Klinika Lahane, liu – liu iha lojistika nomos lina kordenasaun servisu.

“Hau kolia ona ho Ministra Saude ho Diretor Klinika nomos mediku sira katak, ho ita hotu nia esforsu hamutuk bele hadia servisu sira iha nee, nunee bele hakmaan mediku no pasiente sira nia kondisaun, tanba bainhira ita la hasai lixu lais, familia sira fatin la iha atu toba, nunee mos interasaun sira neebe mak iha,” dehan Taur.

Entretantu pasiente grave Covid-19 neebe dadaun iha izolamentu Lahane, hamutuk nain sanulu resin neen (16), entre sira iha mane nain sanulu resin tolu (13) no feto nain tolu (3).*

Reportajen: Alberto Menezes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...