Taur: Variante Foun Tama Ona Odamatan TL

DILI, STLNEWS.co – Primeiru Ministru (PM) Taur Matan Ruak hatete variante foun Delta oras nee tama ona odamatan Timor Leste (TL), tanba nee mak presiza prepara ba senariu pior.

Primeiru Ministru Taur Matan Ruak hatoo kestaun nee bainhira remata hasoru malu ho Prezidente Republika (PR) Francisco Guterres Lú Olo iha Palasiu Prezidente, Bairru Pite, Dili, Kinta (08/07/2021).

“Variante Delta iha tiha ona ita nia odamatan oin, se ita boot sira haree ita nia situasaun nee, iha evolusaun Covid iha Indonezia nia influensia boot ba situasaun iha rai laran, se ita boot sira haree tinan ida nee Marsu, Abril, Maiu mai oin kuandu NTT, Indonezia sae makaas, ita iha nee tama kedas ba kontajiu komunitariu i agora iha neeba lockdown makaas los, entaun ita mos preve katak maske ita taka oinsa nia bele tama” hatete PM Taur.

Nia dehan variante foun Covid-19 Delta – Alfa karik tama, saida mak presiza halo para preparadu ba buat diak hodi prevene moras nee.

“Kuandu tama saida mak ita presiza halo, ita tenke preparadu hanesan babain hau dehan ita hein buat diak mais ita prepara an ba buat aat, ba senariu pior, purezemplu too iha nee hanesan nasaun Indonezia agora deit problema iha oksigen, hanesan India nia uluk problema oksigen, se karik ita nia mak tama mai hanesan nee ita nia reasaun oinsa, naturalmente ita tenke enfrenta” hatete PM.

Taur mos apelu ba sidadaun hotu hotu iha Timor leste atu prepara an ba senariu pior no labele kontente uluk ho vasina tanba variante foun Covid-19 sei iha.

“Hau nia apelu ba sidadaun hotu ita tenke prepara an ba senariu pior, labele kontente tanba vasinasaun lao diak, rezultadu Covid iha Dili no fatin seluk komesa tun ita mos labele halo festa uluk, buat nee sei lao hela.” dehan Taur.

Xefe Governu hatutan, Governu mos sei haree medidas tanba oras nee Indonezia mos lockdown ona no lockdown nee nia diak mos iha Timor Leste, no tempu badak Governu haree hodi taka mos fronteira.

Prezidente Republika (PR), Francisco Guterres Lú Olo mos preokupa los ho variante foun neebe mak iha Indonezia makaas, tanba nee husu tau matan nafatin ba iha fronteira no PR husu atu kontinua avansa ho vasina.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: