Timor Oan Nain 4 Mate Ho Covid-19

DILI, STLNEWS.co – Loron 21 de Agostu nee liu husi Centro Integrado Gestão de Crises, Sala Situação (CIGC-SS), iha ema nain haat (4) neebe ohin mate ho Covid-19, no entrega ona ba familia matebian hodi halao nia funeravel tuir protokolu Ministeriu da Saude nian.

“Total kazu óbitu neebe ita ohin rejistu iha dia 21 de Agostu 2021 iha nain haat (4), feto nain rua no mane nain rua,” hatete Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, (CIGC-SS) Rui Maria de Araújo ba jornalista liu husi nota konferensia imprensa, Sabadu (21/08/2021).

Nia dehan, feto ho idade tinan iha 73, Timoroan hela iha Dili, iha 20 de Agostu tinan 2021, ho diagnostikadu ho Sindroma Insufisiénsia Respiratória Aguda (SIRA) tanba COVID-19 (PCR pozitivu ho CT 36,5).

Nia esplika, matebian sofre mos hipertensaun iha fatin izolamentu Lahane, halao tratamentu tuir protokolu neebe iha, maibe matebian iis-kotu horikalan 22:00 tanba multiple organ failure. Rezultadu PCR hafoin iis kotu hatudu CT 34,9.

“Ita ho nia familia koordena hela ho ekipa saude atu halao funeral tuir protokolu neebe adopta iha Timor Leste,” nia informa.

Rui informa, iha mane ho idade tinan 74, Timoroan, hela iha Dili, iha 20 de Agostu de 2021, diagnotikadu hon Sindroman Insufisiensia Respiratoria Aguda (SIRA) tanba COVID-19 (PCR pozitivu ho CT 24,3).

Nia hatutan, matebian sofre mos hipertensaun iha fatin isolamentu Vera Cruz, halao tratamentu tuir protokolu neebe iha, maibe matebian iis-kotu horikalan 22:45 tanba multiple organ failure. Rezultadu PCR hafoin iis-kutu hatudu CT 14,9.

Nia hatutan, feto ho idade tinan 36, Timoroan hela iha Dili, iha 11 de Agostu de 2021, diagnostikadu iha HNGV ho Sindroma Insufisiensia Respiratoria Aguda (SIRA) tanba COVID-19 (PCR pozitivu ho CT 28,0).

Depois matebian sofre mos diabetes iha fatin isolamentu Vera Cruz, halao tratamentu tuir protokolu neebé iha, maibe matebian iis-kotu ohin dader 03:00, tanba multiple organ failure, rezultadu PCR hafoin iis-kutu hatudu CT 11,7. “Ita ho nia familia koordena hela ho ekipa saude atu halao funeral tuir protokolu neebe adopta iha Timor-Leste,” nia argumenta.

Nia hatutan, iha mane ho idade tinan 46, Timoroan, hela iha Dili, iha 21 de Agostu de 2021, diagnostikadu iha Emerjensia HNG ho pneumonia tanba COVID-19 (PCR pozitivu ho CT 19,8).

Enkuantu sei halao tratamentu inisial iha Emerjensia HNGV tuir protokolu neebe iha, matebian iis-kotu, mais ou menus 11:45 dader, tanba emobolia pulmonar. Rezultadu PCR hafoin iis-kutu hatudu CT 16,8.

“Ita ho familia koordena hela ho ekipa saude atu halao funeral tuir protokolu neebe adopta iha Timor Leste,” nia afirma.*

Reportajen: Jeniche da Costa
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: