Timoroan Rua Positivu Covid-19

Mate isin neebe mate iha Baucau laos mate tanba Covid-19, maibe moras kronik hanesan diabetes, hipertensuan no ris. (Foto: STL/Jeniche da Costa)

DILI, STLNEWS.co – Iha sidadaun Timoroan nain rua, laen ho tinan 48 & fen ho tinan 39, tama ilegal liu husi Mota-ain Batugade, oras nee dadaun Ministeriu da Saude (MdS) hatama ba izolamentu Sentru Saude Vera Cruz (SSVC), tanba positivu Covid-19.

Hatete Koordenadora Jeral Komisaun Covid-19, Odete da silva Viegas ba Jornalista sira, liu husi konfensia imprensa iha Ministeriu da Saude, (MdS) Caikoli, Dili, Kuarta (13/01/2021).

“Ita ba foti kedas sidadaun nain rua nee iha mota-ain, hatama ba izolamentu iha 09:00 kalan,” katete Koordenadora Jeral Komisaun Covid-19 Odete.

Nia dehan, iha sidadaun Timoroan nain rua laen ho tinan 48, fen ho tinan 39, sidadaun nain rua nee asimtomatiku, viajen husi Tangerang, Jakarata iha loron 21 Dezembru 2020 ho aviaun Garuda Airlines mai Kupang, toba kalan ida iha Hotel Timore, no sai husi Kupang mai Atambua iha 22 Dezembru 2020 ho kareta rental, hela semana ida liu iha Hotel Matahari, sai husi Atambua mai Mota-Ain ho familia nia kareta.

Nia dehan, iha kareta laran total ema hamutuk ema nian 4 inklui driver, depois driver nee ho familia rua seluk fila ba Atambua.

Tanba mota-ain taka hela entaun sidadaun refere tama tuir posto UPF Badut Mean, no Forsa UPF tula iha kareta mai entrega iha kuarentena Mota-ain.

Nia tenik, sidadaun nain rua nee dadauk kumpri hela kuarentena iha mota-ain Batugade, Ekipa Vijilansia SSM, hasai ona sira nia swab test iha loron 11 Janeiru 2021 rezuladu teste positivu Covid-19, sai iha loron 12 Janeiru, 2021. Depois iha pasajeirus neebe kuarentena iha Mota-ain, Batugade hamutuk ema 22 no sira nee hotu tama ilegal.

Tuir dadus loron 13 fulan Janeiru 2021 neebe STL rekolla iha terenu, total teste 17834, hein rejultadu 214, komulativu kazu 51, rekuperadu 49, kazu foun nain 2, numeru baixa nain 6, nomos rezultadu negativu 17569, tama ilegal periodu 31 Dezembru iha tinan 2020 too mai 12 Janeiru 2021hamutuk 22, Dili 0, Munisipiu 22.

Total kuarentena 93, Dili 27, Munisipiu 66, auto kuarentena 79, Dili 79, no munisipiu 0, pasa kuarentena loron 14 7316, Dili 6067, Munisipiu 1249. *

Reportajen: Jeniche da Costa
Editora: Carme Ximenes

LEAVE A REPLY

Please enter your comment!
Please enter your name here