TL Ida Mate Ba Covid-19, Maibe Movimentu Lao Normal

(Foto Ilustrasaun: Espesial)

DILI, STLNEWS.co – Timor Leste oras nee rejistu ona kazu pasiente ida mate tanba Covid-19, maibe transporte privadu ho ema halo movimentu ba mai hanesan babain.

Tuir observasaun neebe jornalista STL haree iha terrenu iha Tersa (06/04/2021) katak, maske Koordenador Pilar 7, Nilton do Carmo da Silva hatete Timor-Leste (TL) rejistu ona kazu pozitivu Covid-19 mate ida, ho idade 44 neebe oras nee hakoi ona ba iha Metinaro, maibe transporte privadu halo movimentu lao hanesan babain.

Hanesan husi Diresaun Bairru-Pite iha Pertamina oin dalan publiku ba Igreja Katedral, laiha transporte publiku hanesan mikrolet 05, 06, 07, maibe transporte privadu sira inklui motor sira kontinua halo movimentu hanesan babain.

Aleinde nee iha mos ponte foun parte Comoro mos movimentu iha fatin refere lao hanesan babain, maske laiha mikrolet, maibe transporte privadu inklui mos taxista sira kontinua halo movimentu hanesan babain, nunee mos iha Ro Tunda Nicolao Lobato mos movimentu lao normal. Inklui mos diresaun husi Comoro mai Palasiu Prezidente, transporte publiku no motorizada sira halo movimentu hanesan babain ho diresaun sira seluk.

Tuir observasaun neebe mak iha hatudu mos katak, movimentu ema mos kontinua lao ba mai, balun iha konsensia uza maskra, maibe balun mos la uza maskra.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here