TL Kontinua Rezistu Kazu Obitu 2

DILI, STLNEWS.co – Loron 14 fulan Setembru tinan 2021, liu husi Centru Integradu Gestão de Crises, Sala Situação (CIGC-SS) rezistu kazu obitu hamutuk nain 2.

Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste (CIGC-SS), Rui Maria de Araújo esplika, total óbitu neebe relata iha loron 14 fulan Setembru tinan nee iha nain 2 . Iha mane ho idade 71, nia hela iha Ermera, simu vasina kompletu iha loron 13 fulan Setembru tinan 2021.

Depois diagnóstikadu ho sindroma insufisiénsia respiratória aguda (SIRA), tanba Covid-19 iha Sentru Saude Ermera, matebian sofre mos moras hipertensaun, no halao tratamentu tuir protokolu tratamentu Covid-19 iha izolamentu Ermera.

“Iis kotu horiseik loraik tuku 15:00, familia kolabora ho ekipa saúde, hodi halao funeral tuir protokolu neebe adopta iha ita nian nasaun,” dehan nia ba jornalista sira liu husi nota konferensia imprensa, Tersa nee (14/09/2021).

Nia hatutan, mane ho idade 64, hela iha Maliana, nia seidauk simu vasina, iha loron 2 fulan Setembru tinan 2021, diagnóstikadu ho sindroma insufisiénsia respiratória aguda (SIRA), tanba Covid-19 iha Maliana.

Iha loron nee kedas matebian halao tratamentu iha Vera Cruz, maibe iis kotu ohin dader tuku 03:05. Familia kolabora ho ekipa saude, hodi halao funeral tuir protokolu neebe adopta iha Timor Leste.

Entretantu iha loron 14 fulan Setembru tinan 2021, izolamentu Vera Cruz, Lahane, HNGV no fatin seluk iha territóriu laran tomak, halo tratamentu ospitalizadu ba kazu detetadu pozitivu nain 75.

Nia afirma, grave hamutuk 13 pessoas, nain 4 uza ventilador, nain 3 uza CPAP-Continuous Positive Airway Pressure 6 uza oksijéniu, Moderado hamutuk 43 pessoas, Leve hamutuk 19 pessoas.* 

Reportajen: Jeniche da Costa

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Horta Husu Komunidade Fo Resposta Los Ba Ajente Enumerador

DILI, STLNEWS.co - Prezidente Republika (PR), José Ramos Horta, husu ba komunidade sira atu fo resposta neebe los ba ajente enumerador sira neebe halo...

Kazu Droga TDD Aplika Medida AP Ba Arguidu Nain 9

DILI, STLNEWS.co - Tribunal Distrital Dili (TDD) iha loron Segunda nee (15/08/2022) liu husi despaisu ikus ba prosesu primeiru interogatoriu (AP), desidi aplika medida...

Governu Lansa Sensus Populasaun & Uma Kain 2022

DILI, STLNEWS.co - Governu liu husi Ministeriu Finansas (MF) Segunda nee ofisialmente lansa sensus populasaun no uma kain iha tinan 2022 nee. Iha fulan Marsu...