TL Rejistu Tan Ema Mate Ho Covid-19 Nain 2

DILI, STLNEWS.co – Timor-Leste (TL) kontinua rejistu tan kazu ema mate ho pozitivu Covid-19 iha nain 2, 1 iha Oecusse no 1 mate iha izolamentu Lahane.

Hatete Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste (CIGC-SS), Rui Maria de Araújo, ba jornalista sira liu husi nota konferensia imprensa Domingu (22/08/2021).

“Ita ohin rejistu tan óbitu neebe mate ho Covid-19 iha nain 2 (rua),” hatete Rui.

Nia dehan, iha mane ho idade tinan 76, Timoroan, hela iha Dili, iha loron 21 de Agostu tinan nee nia ho diagnostikadu ho sindroma insufisiensia respiratoria aguda (SIRA) tanba Covid-19.

Nia esplika, iha fatin izolamentu Lahane, halao tratamentu tuir protokolu neebe iha, maibe matebian i’is-kotu horikalan 19:00 OTL tanba paragem respiratória no falénsia orgaun lubuk-ida (multiple organ failure).

“Tanba nee iha rezultadu PCR hafoin iis-kutu hatudu CT 23, ita ho nia familia koordena hele ho ekipa saude atu halao funeral tuir protokolu neebe adopta iha Timor-Leste,” nia esplika.

Aleinde nee mos iha feto ida ho idade tinan 61, Timoroan hela iha Oecusse, iha 18 de Agostu de 2021, halo diagnóstikadu iha Óspital Referénsia Oecusse ho sindroma insufisiensia respiratoria aguda (SIRA), tanba Covid-19.

Nia infroma, matebian (PCR pozitivu ho CT 27,9), maibe antes nee matebian sofre mos Hipertensaun arterial ho diabete.Iha fatin isolamentu ospitál fuan nian iha Oecusse, halao tratamentu tuir protokolu ne’ebé iha, maibe matebian iis-kotu ohin dader 00:55 OTL tanba paragem respiratória ka falensia orgaun lubuk-ida (multiple organ failure).

“Ita ho nia familia koordena hela ho ekipa saude atu halao funeral tuir protokolu neebe adopta iha Timor-Leste,” nia hatutan.

Aleinde nee iha dia 22 de Agostu tinan 2021, iha izolamentu Vera Cruz ho Lahane halo tratamentu ba kazu detetadu nain 65, iha area obstetrisia nain 9, medisina interna nain 40, sirurjia nain 9, pediatria nain 5, nomos perinatolojia iha nain 2, sira nain 9 iha obstetrisia, kategoria leve hotu.

Nia afirma, husi sira nain 40 iha medisina interna, 17 kategoria grave, 3 uza ventilador, 14 ho oksijeniu 15 kategoria moderadu, 8 kategoria leve. Iha nain 9 iha sirurjia, kategoria leve hotu, iha 5 pediatria kategoria leve hotu, nomos 2 iha perinatolojia kategoria leve hotu.*

Reportajen: Jeniche da Costa
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: