UNICEF Entrega Ekipamentu Ba MS

Ohin United Nations International Children's Emergency Fund (UNICEF), entrega ekipamentu medical esensiál ba Ministeriu Saúde (MS), hodi responde ba Covid-19 nian, ekipamentu sira maka henesan protesaun pesoal luvas, maskara serurjika N95, protetor oin, oklu seguransa, luvas serurjika, no luvas izaminasaun sira. (Photo: STL/Natalina Lopes)

DILI, STLNEWS.co – Ohin United Nations International Children’s Emergency Fund (UNICEF), entrega ekipamentu medical esensiál ba Ministeriu Saúde (MS), hodi responde ba Covid-19 nian, ekipamentu sira maka henesan protesaun pesoal luvas, maskara serurjika N95, protetor oin, oklu seguransa, luvas serurjika, no luvas izaminasaun sira.

“Hau haksolok tebes mai hamutuk dader ida ne’e, ohin loron UNICEF entrega ekipamentu medical esensiál ba Ministeriu Saúde hanesan parte husi ita nia apoiu responde ba Covid-19, suprimentu sira ne’e entrega ohin loron inklui ekipamentu protesaun pesoal luvas, maskara serurjika N95, protetor oin, oklu seguransa, luvas serurjika, luvas izaminasaun sira,” lia hirak ne’e hato’o husi reprezentante UNICEF iha Timor Leste, Valerie Taton, liu husi diskursu iha SAMES Kampung Alor, Tersa (25/08/2020).

Nia haktuir tan, sasan sira ne’e sei fahe ba profissional saúde iha lina oin no iha sentru saúde 70 iha nasaun tomak, i sei benefisia ba munisipiu 13 iha pais ida ne’e.

Suprimentu esensiál ne’e atu garante seguransa ba ita nia profissional kuidadu saúde sira, atu sira bele oferese servisu saúde la ho risku ba sira nia aan rasik, i labarik no familia sira maka hetan servisu saúde husi sira, suprimentu sira ne’e sei proteje deit ekipa mediku sira no pasiente husi Covid-19, ekipamentu sira ne’e sei ajuda ekipa saúde sira halo izame regular ba komunidade sira, no oferese servisu saúde ba labarik sira nia familia.

Nia tenik tan, oferese servisu saúde ba labarik ho sira nia familia sira, buat hirak ne’e inklui izame pos-natal, imunizasaun, servisu nutrisaun, servisu saúde maternal no infantile, no konsulta regular ba labarik ho nia familia sira.

Hahu Covid-19 mosu iha Timor Leste, UNICEF kontinua oferese ba Ministériu Saúde (MS) ho ekipamentus saúde barak, husi kama ba pasiente sira, karinu, thermo scanner, kontetor, ekipadu ba izolamentu, no kuidadu saúde sira iha Vera Cruz no iha fronteira.

Iha fatin hanesan, Diretor Asian Development Bank (ADB), José Pereira hatete, ohin husi ADB kontenti tebes tanba bele mai partisipa iha eventu ida ne’e, tanba eventu importante ita bele entrega ekipamentus ne’ebé prosesa desde fulan Abril ou Maiu liubá, ohin pasu ida importante para bele selebra loron ohin.

“Ita hotu hatene katak Covid ne’e surtu global, fundu ida ne’e mai husi fundu apoiu teknik Covid nian husi Banku Dezenvolvimentu Aziatik nian, maibe nasaun hot-hotu infrenta difikuldade hanesan, entaun ita presiza kompetisaun para atu hetan fundu ne’e,” tenik nia.

Reportajen: Natalina Lopes

Editor: Ekipa STL

LEAVE A REPLY

Please enter your comment!
Please enter your name here