Update Covid-19 Munisipiu Baucau 27 Agostu: Kazu Pozitivu Covid-19 Hamutuk 139

BAUCAU, STLNEWS.co – Tuir dadus servisu saude Munisipiu Baucau, to’o hodikalan, kazu pozitivu Covid-19 hamutuk atus ida tolu nulu resin sia (139), husi total konfirmadu pozitivu hirak nee, inklui pesoal saude nain sanulu resin lima (15) afetadu mos ba pozitivu Covid-19.

“Tuir dadus pozitivu Covid-19 neebe mak iha to’o hodikalan hamutu 139,” dehan Diretor Servisu Saude Munisipiu Baucau, Domingos Reinaldo da Costa Guterres ba jornalista iha nia knaar fatin Riamari, Sesta nee (27/08/2021).

Domingos esplika, iha sala izolamentu Ginaziu Vila Nova total hamutuk neen nulu resin haat (64), SPK Tirilolo tolu nulu resin haat (34), Riamari tolu nulu resin ida (31).

Nia hatutan, husi konfirmadu pozitivu ba Covid-19 nian tuir idade neebe mak iha, husi idade 0-20 hamutuk nain 27, idade husi 21-60 hamutuk nain 110, no mos ba ida neebe mak liu idade 60 hamutuk nain 2, husi komfirmadu pozitivu ba Covid-19 iha Munisipiu Baucau laiha kazu ida mak grave.

Kazu sira neebe mak diretor nee relata, konfirmadu pozitivu ba Covid-19 hotu – hotu iha fasilidade estadu nian, nunee mos iha pesoal saude iha Munisipiu Baucau nain sanulu resin lima (15) mos konfirmadu pozitivu ba Covid-19.

Nia afirma, pesoal saude hirak nee, detetadu pozitivu ba Covid-19 iha loron Kuarta 25 semana nee, tanba dala ruma pesoal saude sira haluhan lakohi prepara no atensaun diak hodi fo atendimentu ba pasiente Covid-19.

Pesoal saude nain sanulu resin lima (15) neebe afeitadu ba Covid-19, husi mediku nain haat (4), parteira nain haat (4), infermeiru nain haat (4), analista nain tolu (3), aliadu tekniku nain ida (1), dadaun nee iha ona izolamentu neebe mak preparadu husi estadu Hotel Casa Cores, Uatulete Vila Nova Baucau.

Nia esplika, sidadaun hamutuk nain atus ida sia nulu resin ualu (198) neebe mak dadaun izola hela iha sala izolamentu provizoriu Ginaziu Baucau, nain neen nulu resin haat (64), mak konfirmadu pozitivu ba Covid-19, husi total nee mane nain neen nulu resin rua (62), feto nain rua (2), no sidadaun nain neen nulu resin rua (62) neebe mak pozitivu ba Covid-19 nee, tau ketak ona iha izolamentu neebe mak besik Ginaziu nee.

Entertantu sira seluk neebe mak nafatin iha sala izolamentu provizoriu Ginaziu Baucau, sei nafatin hein tan swab, bainhira rejultadu hatudu negativu mak sei fila ba idak – idak nia munisipiu, ka oinsa nee depende fila fali ba lei neebe mak vigora ona iha nasaun Timor Leste, tanba sidadaun hirak nee hakat liu fronteira ho ilegal.*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: